قوله‌ش‌نینگ بېش ییللیگی؛ خلق‌ارا ایش تشکیلاتی: طالبان کېلگنیدن سۉنگ عیاللر اقتصادی فعالیتدن کېسکین چېتلشتیریلدی
۸صبح، کابل: خلق‌ارا ایش تشکیلاتی (ILO) افغانستانده اعلان قیلگن حساباتیده طالبان حکمرانلیگی‌نینگ بېش ییلیدن سۉنگ افغانستان محنت کوچیده عیاللر‌نینگ اشتراک درجه‌سی ۵،۱ فایزگچه کمه‌یگنینی بیلدیرگن.
اوشبو تشکیلات سه‌شنبه کونی، ۲۷-اسد، طالبان حکمرانلیگیدن سۉنگ ایش بازاریده‌گی جندر تفاوتی کېنگه‌یگنی و عیاللر اقتصادی فعالیتدن کېسکین چېتلشتیریلگنینی معلوم قیلگن.
تشکیلات حساباتیگه کۉره، ۲۰۲۶-ییلده افغانستانده بندلیک درجه‌سی قریب ۸،۵ میلیون کیشیگه یېتگن، اما بو اۉسیش اساسا اېرککلر آره‌سیده کوزه‌تیلگن و عیاللر بندلیگی هنوز جوده پست درجه‌ده قالماقده.
تشکیلات‌نینگ اَیتیشیچه، افغانستان عیاللر‌نینگ محنت کوچیده‌گی اشتراکی درجه‌سی بۉییچه دنیاده اېنگ پست کۉرسه‌تکیچگه اېگه ایکّینچی مملکت دیر.
خلق‌ارا ایش تشکیلاتی‌نینگ افغانستان بۉییچه کتّه کوردیناتوری و وکالت‌خانه‌سی باشلیغی تایت هابیاکار، شونده‌ی دېگن: «اهالیسی‌نینگ کتّه قِسمی اقتصادی فعالیتدن چېتلشتیریلگن بیر پیتده افغانستان برقرار و چیدملی ایش بازارینی یره‌ته آلمه‌یدی.»
حساباتده افغانلر‌نینگ ایران و پاکستاندن کېنگ کۉلمده قَیتیشی هم ایش بازاریگه باسیمنی آشیرگنی قید اېتیلگن.
خلق‌ارا ایش تشکیلاتی انرژی نرخلری‌نینگ آشیشی و یقین شرقده‌گی انقراض عاقبتیده یوزه‌گه کېلگن وضعیت هم بو باسیملرنی ینه‌ده کوچه‌یتیریشی ممکنلیگیدن آگاهلنتیرگن.
