بیرلشگن ملتلر تشکیلاتی‌نینگ اهالی یشش جایلری دستوری: چیقیندیلرنی ناتۉغری باشقریش اهالی سلامتلیگیگه تهدید سالماقده
۸صبح، کابل: بیرلشگن ملتلر تشکیلاتی‌نینگ اهالی یشش جایلری دستوری نارسمی و اهالی زیچ یشه‌یدیگن منزلگاهلرده چیقیندیلرنی ناتۉغری باشقریش اهالی سلامتلیگی و فراوانلیگیگه خوف توغدیریشی حقیده آگاهلنتیردی.
اوشبو تشکیلات، پنج‌شنبه کونی، ۳۰ میزان، ایکس صحیفه‌سیده چیقیندیلرنی باشقریش نه‌فقط اطراف-محیط تازه‌لیگی مسأله‌سی، بلکه جماعت سلامتلیگی‌نینگ استوار یۉنه‌لیشلریدن بیری اېکنینی یازدی.
بیرلشگن ملتلر تشکیلاتی‌نینگ اهالی یشش جایلری دستوری ساغلام شهرلرنی برپا اېتیش اوچون چیقیندیلرنی باشقریشنی یخشیلش و بو مسأله‌گه کۉپراق اعتبار قره‌تیش ضرورلیگینی قۉشیمچه قیلدی.
شهرلشوو‌نینگ تېزلشیشی و نارسمی منزلگاهلر‌نینگ کېنگه‌ییشی چیقیندیلرنی ییغیش و یۉق قیلیش کبی شهر خدمتلریگه بۉلگن احتیاجنی آشیرماقده.
چیقیندیلر‌نینگ تۉپلنیب قالیشی همده اولرنی ییغیش و یۉق قیلیش‌نینگ تېگیشلی تیزیمی موجود اېمسلیگی کسللیکلر ترقه‌لیشیگه و اطراف-محیط‌نینگ افلاسلنیشیگه سبب بۉلیشی ممکن.
