قیزیل خاچ: هرات ولایتیده ۳۸ مینگ کیشی‌نینگ تازه ایچیملیک سوویگه بۉلگن امکانیتی یخشیلندی
۸صبح، کابل: خلق‌ارا قیزیل خاچ کمیته‌سی هرات ولایتی‌نینگ گلران تومنیده ۲۷۵ ته قۉل پمپی اۉرنه‌تیلگنی و ترمیملنگنینی معلوم قیلدی.
اوشبو تشکیلات پنچ‌شنبه کونی، ۳۰ میزان، بو چاره ۳۸ مینگ ۵۰۰ کیشی‌نینگ تازه ایچیملیک سوویگه بۉلگن امکانیتینی یخشیله‌گنینی بیلدیردی.
قیزیل خاچ معلوماتیگه کۉره، لایحه عملگه آشیریلگنیدن سۉنگ محلی اهالی آره‌سیده کسللیکلر هم کمه‌یگن.
تازه ایچیملیک سووی تنقیصلیگی افغانستان‌نینگ قیشلاق حدودلریده‌گی ساغلیقنی سقلش بیلن باغلیق معمالردن بیریدیر.
تازه سوودن فایده‌لنیش امکانیتی‌نینگ چېکلنگنی افلاسلنگن سوو آرقه‌لی یوقه‌دیگن کسللیکلرگه چه‌لینیش خوفینی آشیره‌دی.
سوو پمپ‌لرینی اۉرنه‌تیش و ترمیملش عایله‌لر‌نینگ تازه ایچیملیک سوویدن فایده‌لنیش امکانیتینی یخشیلشی همده افلاسلنگن سوو بیلن باغلیق کسللیکلر خوفینی کمه‌یتیریشی ممکن.
