جهان ساغلیقنی سقلش تشکیلاتی: هراتده هر آی تۉییب-آوقت‌لنمسلیکدن اذیت چېکه‌یاتگن ۳۰ نفردن آرتیق باله دوالنماقده
۸صبح، هرات: جهان ساغلیقنی سقلش تشکیلاتی (WHO) هرات ولایتی‌نینگ گذره تومنیده‌گی تۉییب-آوقت‌لنمسلیکنی دوالش مرکزی هر آی ۳۰ نفردن آرتیق باله‌گه خدمت کۉرسه‌تیشینی معلوم قیلدی.
اوشبو تشکیلات، پنج‌شنبه کونی، ۳۰ میزان، مذکور مرکز جهان ساغلیقنی سقلش تشکیلاتی همکارلیگیده و اروپا اتفاقی‌نینگ مالیوی یاردمی بیلن فعالیت یوریته‌یاتگنینی بیلدیردی.
جهان ساغلیقنی سقلش تشکیلاتی‌نینگ اَیتیشیچه، مرکزده آغیر درجه‌ده‌گی تۉییب-آوقت‌لنمسلیکدن اذیت چېکه‌یاتگن باله‌لردن تشقری، باشقه کسللیکلرگه چه‌لینگن باله‌لر هم دوالنه‌دی.
اوشبو مرکز ۲۰۲۶-ییلده اروپا اتفاقی‌نینگ مالیوی یاردمیده فعالیت یوریته‌یاتگن افغانستان‌نینگ تۉقّیزته ولایتیده‌گی اۉتکیر و آغیر درجه‌ده‌گی تۉییب-آوقت‌لنمسلیکنی دوالشگه مۉلجللنگن ۳۱ ته مرکزدن بیریدیر.
شو بیلن بیرگه، بیرلشگن ملتلر تشکیلاتی ۲۳-میزان کونی افغانستانده اۉتکیر تۉییب-آوقت‌لنمسلیک حالتلری آرتیب باره‌یاتگنی حقیده آگاهلنتیرگن و ۲۰۲۷-ییلده تۉرت میلیوندن آرتیق باله دوالنیشگه محتاج بۉلیشینی تخمین قیلگن اېدی.
شونینگدېک، افغانستانده تۉییب-آوقت‌لنمسلیک درجه‌سی انقراضلی بۉلگن ولایتلر سانی یېتّیته‌دن ۱۰ تگه کۉپه‌یگن.
تخمینلرگه کۉره، بو کۉرسه‌تکیچ ۲۰۲۷-ییلده ۱۴ ته ولایتگه یېته‌دی.
