قولهشنینگ بېش ییللیگی؛ یونیسف: افغانستان قیزلر تعلیمی تعقیقلنگن دنیادهگی یگانه مملکت دیر
۸صبح، کابل: بیرلشگن ملتلر تشکیلاتینینگ بالهلرنی قۉللب-قوّتلش جمغرمهسی (یونیسف) طالبانلر حکمرانلیگینینگ بېشینچی ییلیده افغانستان قیزلر و عیاللر اوچون اۉرته و عالی تعلیم عملده یاپیلگن دنیادهگی یگانه مملکت اېکنینی معلوم قیلدی.
یونیسف شنبه کونی، ۲۴ اسد، اعلان قیلگن حساباتیده طالبانلر حاکمیتگه قیتگنیدن بېری افغانستانده ۲،۶ میلیوندن آرتیق قیز اۉرته تعلیمدن محروم بۉلگنینی اَیتدی.
یونیسف اجراچی مدیری کاترین راسلنینگ اَیتیشیچه، بېش ییل بیر مملکت تاریخیده قیسقه دور بۉلیشی ممکن، اما بیر قیزنینگ حیاتی اوچون بو حل قیلووچی دوردیر.
او قۉشیمچه قیلگن: «تعلیم بالهلر محنتی، اېرته تورموش قوریش، زۉرآورلیک و سوءاستعمالگه قرشی حمایه واسطهسی دیر. مکتبلر یاپیلگنده، بو حمایه هم یۉقالدی.»
اوشبو تشکیلات مکتبدن قالگن قیزلر بالهلر محنتی، سوءاستعمال، اېرته تورموش قوریش و جنسی اساسیدهگی زۉرآورلیک کبی کۉپراق خوفلرگه دوچ کېلهیاتگنینی تأکیدلهگن؛ عایلهوی قشّاقلیک و مجبوری کۉچیشنینگ کوچهییشی بیلن بو خوفلر ینهده آرتماقده.
یونیسف قیزلر و عیاللرگه نسبتاً تعلیم و تحصیل آلیشگه قۉییلگن چېکلاولرنی زودلیک بیلن بېکار قیلیشگه ینه بیر بار چقیردی.
راسل تأکیدلهگن: «یاشلرینینگ یرمی ترقیاتدن چېتده قالگن بیر پیتده، مملکت رونق تاپه آلمهیدی.»
اوشبو تحلیلگه کۉره، قیزلر تعلیمی و عیاللر بندلیگیگه قۉییلگن چېکلاولر افغانستاننینگ اقتصادی ایشلب چیقریشیدن هر ییلی تخمیناً ۸۴ میلیون دالرنی یۉقاتیشگه سبب بۉلماقده.
تحلیل شونینگدېک، بو چېکلاولر دوام اېتهدیگن بۉلسه، افغانستاننینگ اقتصادی ضرری هر ییلی آرتیب باریشینی کۉرسهتماقده.
