مجبوری قَیتریش؛ اۉتگن کون ایکّی مینگدن آرتیق کیشی افغانستانگه قَیتریلدی
۸صبح، کابل: طالبان کېچه ۳۴۱ عایله، جمعی ۲ مینگ ۸۷ نفر مهاجر افغانستانگه قَیتریلگنینی اعلان قیلدی.
طالبان سۉزلاوچیسی اۉرین‌باسری حمدالله فطرت، پنج‌شنبه کونی، ۵- سنبله، بیانات اعلان قیلیب، تورخم چېگره‌سی آرقه‌لی ۲۷۰ عایله، جمعی ۱ مینگ ۴۱۹ کیشی افغانستانگه قَیتگنینی اَیتگن.
بیاناتگه کۉره، ۱۵ عایله سپین‌بولدک آرقه‌لی، ۱۲۵ عایله نیمروز چېگره‌سی یۉلی آرقه‌لی و ینه ۲۱ عایله اسلام‌قلعه چېگره‌سی آرقه‌لی افغانستانگه کیریب کېلگن.
بو قَیتیشلر افغان مهاجرلرینی پاکستان و ایراندن چیقریب یوباریش همده مجبوری قَیتریش جریانی همان دوام اېته‌یاتگن بیر پیتده عملگه آشیریلماقده.
شو بیلن بیرگه، بیرلشگن ملتلر تشکیلاتی‌نینگ انسان یشش دستوری (هبیتات) یقینده خبر بېریشیچه، سۉنگگی اوچ ییل ایچیده آلتی میلیوندن آرتیق افغان مهاجری مملکتگه قَیتریلگن و اولر مناسب باش‌پناه‌گه محتاج.
