آلمان افغانستانگه قریب سکّیز میلیون دالر یاردم کۉرسه‌تدی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش اداره‌سی (اوچا) آلمان‌نینگ افغانستانگه ۷،۹۶ میلیون دالرلیک یاردم کۉرسه‌تگنی حقیده خبر بېرگنینی معلوم قیلدی.
اوچا، دوشنبه کونی، ۲ سنبله، ایکس صحیفه‌سیده آلمان اوشبو مبلغنی افغانستان انسانپرورلیک جمغرمه‌سیگه یاردم صفتیده اجره‌تگنینی یازدی.
بیرلشگن ملتلر تشکیلاتی اوشبو یاردم افغانستان بۉیلب بحرانلردن ضرر کۉرگن آدملرگه حیاتی مهم یاردملرنی سقلب قالیشگه آلیب کېلیشینی اَیتگن.
بو حالت اوچا اوّلراق افغانستانده طبی احتیاجلر موجود منبعلردن کۉپراق اېکنینی و ساغلیقنی سقلش ساحه‌سی بودجه‌سینی اتیگی ۳۷ فایز مالیه‌لشتیریلگنینی معلوم قیلگن بیر پیتده یوز بېرماقده.
شو بیلن بیرگه، اوشبو تشکیلات افغانستان ساغلیقنی سقلش ساحه‌سی اوچون جمعی ۱۹۱ میلیون دالر سۉره‌لگنینی، بیراق حاضرگچه اونینگ اتیگی ۷۱ میلیون دالری آلینگنینی قۉشیمچه قیلگن.
