خلق‌ارا پولیوگه قرشی کوره‌ش کونی: پولیوسیز افغانستان تشکیلاتی برچه باله‌لرنی اېملشگه چقیردی
۸صبح، کابل: پولیوسیز افغانستان تشکیلاتی خلق‌ارا پولیو (باله‌لر فلجیگه) قرشی کوره‌ش کونی مناسبتی بیلن اوشبو کسللیکنی بوتونله‌ی یۉق قیلیش یۉلیده‌گی سعی-حرکتلرنی دوام اېتتیریش و مملکتده‌گی برچه باله‌لرنی اېملش ضرورلیگینی تأکیدله‌دی.
اوشبو تشکیلات چهارشنبه کونی، ۲۹ میزان، باله‌لرنی اېملش و کسللیک ترقه‌لیشی‌نینگ آلدینی آلیش یۉلیده آلدینگی صفده فعالیت یوریته‌یاتگن ساغلیقنی سقلش خادملری‌نینگ سعی-حرکتلرینی اعتراف اېتدی.
عینی حالده، جهان ساغلیقنی سقلش تشکیلاتی حساباتیده افغانستانده پولیو بیلن کسللنیش‌نینگ آلتی ته ینگی حالتی قید اېتیلگنینی معلوم قیلدی.
مذکور تشکیلات حساباتیگه کۉره، ۲۰۲۶-ییل باشیدن بویان افغانستانده پولیو بیلن کسللنگنلر سانی جمعی ۴۲ نفرگه یېتگن.
افغانستان و پاکستان دنیاده یاووایی پولیوویروس بیلن کسللنیش حالتلری هنوز قید اېتیله‌یاتگن یگانه مملکتلردیر.
