بیرلشگن ملتلر تشکیلاتی: قَیتیب کېله‌یاتگن عایله‌لر باش‌پناه و اساسی خدمتلرگه محتاج
۸صبح، کابل: بیرلشگن ملتلر تشکیلاتی‌نینگ اهالی یشش جایلری دستوری (UN-Habitat) قَیتیب کېله‌یاتگن عایله‌لرنی مناسب باش‌پناه بیلن تأمینلش و اولر‌نینگ اساسی خدمتلردن فایده‌لنیش امکانیتینی یره‌تیش ضرورلیگینی بیلدیردی.
اوشبو تشکیلاتی، چهارشنبه کونی، ۲۹ میزان، ایکس صحیفه‌سیده قَیتیب کېله‌یاتگن عایله‌لر‌نینگ احوالینی یخشیلش اوچون ینه‌ده کۉپراق چاره‌لر کۉریش لازملیگینی یازدی.
تشکیلات افغانستانگه قَیتیش وطنده ینگی حیات باشلش اوچون امکانیت بۉلیشی، ینگی قیینچیلیکلر‌نینگ باشلنیشیگه ایلنمسلیگی کېره‌کلیگینی تأکیدله‌دی.
بو آره‌ده، اوّلراق بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) هم افغانستانده آچلیک خوفی آرتیب باره‌یاتگنی حقیده آگاهلنتیرگن اېدی.
اوچا معلوم قیلیشیچه، افغانستانده قریب ۱۶ میلیون کیشی آزیق-طعام خوفسیزلیگی معماسیگه دوچ کېلماقده و قیش کېلیشی بیلن بو کۉرسه‌تکیچ تخمیناً ۱۹ میلیون کیشیگه یېتیشی کوتیلماقده.
