اوچا قیشده ۱۹ میلیون کیشی‌نینگ آچلیککه دوچ کېلیشی احتمالیدن آگاهلنتیردی
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) افغانستانده قیش کېلیشی بیلن تخمیناً ۱۹ میلیون کیشی آچلیک خوفیگه دوچ کېلیشی کوتیله‌یاتگنیدن آگاهلنتیردی.
اوچا سۉزلاوچیسی اولگا چروکو، سه‌شنبه کونی، ۲۸ میزان اَیتیشیچه، افغانستانده قریب ۱۶ میلیون کیشی آزیق-طعام خوفسیزلیگی‌نینگ انقراضلی درجه‌سیگه دوچ کېلماقده، ۳،۴ میلیون کیشی اېسه فوق العاده شرایطده یشه‌ماقده.
اونینگ اَیتیشیچه، طالبان‌نینگ عیاللر و قیزلرگه نسبتاً چېکلاولری دوام اېتیشی ۲۰۳۰-ییلگه باریب ۲۰ مینگ نفر عیال اۉقیتووچی و ساغلیقنی سقلش ساحه‌سیده بېش مینگ ۴۰۰ نفر عیال خادم یېتیشمسلیگیگه آلیب کېلیشی ممکن.
چروکو تۉییب-آوقت‌لنمسلیک آنه‌لر سلامتلیگی، دوالنیش خدمتلریدن فایده‌لنیش امکانیتی، آزیق-طعام خیلمه-خیللیگی، تعلیم و درآمد تاپیش امکانیتلری بیلن بې‌واسطه باغلیقلیگینی قۉشیمچه قیلدی.
اوچانینگ بیلدیریشیچه، قشّاقلیک، ایشسیزلیک، قورغاقچیلیک و کۉپ ییللیک ماجرالر عایله‌لر‌نینگ یېترلی آزیق-طعام بیلن تأمینلنیش امکانیتینی کمه‌یتیرگن.
اوشبو تشکیلات انسانپرورلیک یاردمنی دوام اېتتیریش بیلن بیر قطارده، انقراضنی کمه‌یتیریش اوچون اېکینچیلیک، بندلیک، ساغلیقنی سقلش خدمتلری و اقتصادی امکانیتلرگه برقرار سرمایه کیریتیش ضرورلیگینی تأکیدله‌دی.
