انسان حقوقلری ایش‌بیلرمانلری: پاکستان ۱.۴ میلیون مهاجر چیقاریلیشینی تۉختتسین
۸صبح، کابل: مملکت قاچقینلری جبری شکلده چیقاریلیشی اوچون پاکستان دولتی تامانیدن اعلان قیلینگن مهلت نینگ پایانیگه یېتیب باریشیگه سناقلی کونلر قالگن بیر پیتده، بیرلشگن ملتلر تشکیلاتی نینگ انسان حقوقلری بۉییچه ایش‌بیلرمانلری، رسمی اسلام آباددن ۱.۴ میلیون افغانستانلیک مهاجر چیقاریلیش لایحه‌سی تۉخته‌تیلیشینی سۉره‌گنلر.
اولر سه‌شنبه ۲۵-میزان، افغانستانلیک بو قاچقینلرنینگ کته قسمی خوفسیزلیک تهدیدلر سبب مملکتلرینی ترک قیلیب چیققنلر دېدیلر. ایش‌بیلرمانلرنینگ سۉزلریگه کۉره: «پاکستان زوردن چیقاریش هر قنده‌ی لایحه‌سینی توخته‌تیشی کېره‌ک و افغانستانلیک مهاجرلر خوفسیزلیک تهدیدلر باعث مملکتلریدن قاچیب چیققنلر.»
انسان حقوقلری بۉییچه ایش بیلرمانلرنینگ ایتیشیچه، تهدیدده بۉلگن مهاجرلرنی قیته‌دن افغانستانگه قیتیشی اولرنینگ حیاتینی خوف آستیگه آله‌دی. شونینگدیک اولر پاکستان دولتیدن قاچقینلرنینگ انسان حقوقلری احتیاجی خلق ارا معیارلرده اۉرگنیلیب تضمین بۉلیشینی سۉره‌گنلر.
مهاجلر پاکستاندن چیقاریلیشی تۉغریسیده خواطر بیلدیرگن ایش‌بیلرمانلرنینگ ایتیشیچه، عایله‌لر، خاتین – قیزلر و باله‌لرنی هید‌ه‌ب چیقاریش چیدب بۉلمه‌یدیگن بیر زیان بۉلیشی بیلن بیرگه اولرنینگ انسان حقوقلری آیاق آستی بۉلیشی بیلن روپه ره قیله‌دی.
«پاکستانده یشاووچی افغانلر قۉلگه آلینیش، استثمار و ناقانونی یاندشوولرنینگ حقیده‌گی گزارش تۉغریسیده هم بیر خواطرده‌میز دېدی» انسان حقوقلری بۉییچه اوشبو فعاللر.
مهاجرلرنی روزدن چیقاریش، قیناققه آلمسلیک، ظلمی جزاله‌نیشلر، حقارت ایتیش کبی موردلر پاکستان اۉزی هم عضو بۉلگن انسان حقوقلری کنوانسیونیگه قید اېتیلگن جدی موردلردن حسابنله‌دی.
پاکستان میلادی اوتگن آی نینگ آخرلریده بو ممکلتده‌گی قاچقینلرگه بو مملکتنی ترک قیلیشلری اوچون بیر آی مهلت بېرگن اېدی.
گزارشلرگه قره‌نگنده، پاکستان پولیسی بو مهملتدن سۉنگ بو مملکتده‌گی بیر قنچه افغانستانلیکلرنی اوشلب آلگن ایریملرینی زوردن چیقارگن.
عین حالده بیرلشگن ملتلر تشکلاتی نینگ متخصصلر گروهی ۲۰۲۱- ییلده بیر نامه آرقلی پاکستان دولتیدن طالبلر افغانستانگه قیته‌دن حکمران بۉلگنی باعث مهاجرلرنینگ مملکتلریده انسان حقوقلری وضعیتی اۉزگرمه‌گونگه قدر اولکه‌لریگه قیتیشگه رخصت بېرمسلیگینی سۉره‌گن اېدی.
