خلق‌ارا کیفری محکمه طالبلرنینگ رهبری وعالی محکمه‌سی باشلیغی‌نینگ اوشله‌نیش حکمی صادر قیلینیشنی ایسته‌دی
۸صبح، کابل: خلق‌ارا کیفری دېوان طالبلر رهبری هبت الله آخوند زاده وبوگروه عالی محکمه‌سی رییسی عبدالحکیم حقانی اوشله‌نیش حکمی صادر قیلینیشینی ایسته‌گن.
بو محکمه ۴- دلو، پنج‌شنبه کونی، بیر خبری بیانیه ترقه‌تیب اعلام قیلیشیچه طالبلرنینگ بو ایکی رهبری بشریت‌گه قرشی جنایت قیلگنلیککه متهم بۉلگنلر.
خلق‌ارا کیفری قاره‌لاوچی، کریم خان، تویتی‌ده اعلام قیلیشیچه دېوان‌گه ایکی اوشلش درخواستینی خلق‌ارا کیفری محکمه محاکمه‌سیدن آلدین افغانستان دۉسیه‌سیگه ثبت اېتگن.
اونینگ آرتیقلشیچه بودرخواستلر افغانستان بی دملیک تیمی همکارلیگی‌ده قاره لاوچیلیک‌نینگ اۉرین باسری و تبعیضلی جرملر وجنسیت ایشلری بۉییچه مخصوص مصلحتچیسی کوزه‌تووی آستیده تیار قیلینگن.
بوندن آلدین، خلق‌ارا کیفری محکمه‌نینگ باش قاره‌لاوچیسی کریم خان طالبلرنینگ بیر قطار رسمیلرینی عیاللر حقوقینی ایاق آستی قیلگنلیک اتهامیده اوشله‌نیش حکمینی صادرقیلیشنی ایتگندی.
طالبلر رهبری، هبت الله آخوند زاده،ۀ اۉتگن اوچ ییل‌دن کۉپ‌راق مدت ایچیده عیاللرنی منع اېتووچی اۉنلرچه فرمان صادر قیلگن.
هبت الله فرمانی اساسیده حاضرهم آلتینچی صنف‌دن یوقاری بۉلگن قیزلر تعلیم، تحصیل وایش حقیدن محروملر.
