ننگرهارده مهاجرلرنی آلیب کېته‌یاتگن موترنینگ یۉل حادثه‌سیده ۳۲ کیشی یره‌لنیب و بیر کیشی جان بېردی
۸صبح، کابل: ننگرهارده طالبان‌نینگ محلی مسووللری ایتیشیچه، پاکستاندن قَیتگن مهاجرلرنی تاشیگن مو‌تر بیلن باغلیق یۉل حادثه‌سی نتیجه‌سیده ۳۲ کیشی یره‌لنگن و ینه ۱ کیشی وفات اېتگن.
ننگرهارده طالبان یېتکرمه‌لر اداره‌سی پنج‌شنبه کونی، ۲۰- حمل، بیر بیانات ترقه‌تیب اوشبو حادثه جلال‌آباد شهری نینگ حلقوی یۉلیده یوز بېرگنینی معلوم قیلگن.
بیاناتگه کۉره، حادثه‌ده یره‌لنگنلر کسلخانه‌گه یېتکزیلگن.
بیاناتده جراحت آلگنلر ینگ حالتی قانیقرلی دېب خبر قیلینگن.
اۉتگن ییلی هم افغانستان مهاجرلرینی تاشیگن مو‌تر هراتده یۉل حادثه‌سی نتیجه‌سیده یانگن و ۷۰ دن آرتیق کیشی وفات اېتگن اېدی.
