بمت: هراتده قَیتیب کېلگن عایله‌لر‌نینگ تورر جایلرینی ترمیملش اوچون یاردم یېترلی اېمس
۸صبح، هرات: بیرلشگن ملتلر تشکیلاتی‌نینگ اهالی یشش جایلری بۉییچه دستوری (UN-Habitat) هرات ولایتیده یشاوچی ضعیف احوالده‌گی قَیتیب کېلگن عایله‌لرگه تورر جایلرینی ترمیملشده یاردم بېرماقده.
اوشبو تشکیلات، یکشنبه کونی، ۱ عقرب اعلان قیلگن بیاناتیده، مذکور دستور بیرلشگن ملتلر تشکیلاتی‌نینگ افغانستان بۉییچه مخصوص جمغرمه‌سی (UN STFA) یاردمیده عملگه آشیریله‌یاتگنینی بیلدیردی.
بیرلشگن ملتلر تشکیلاتی معلوماتیگه کۉره، لایحه فقط اویلر‌نینگ تاملرینی قَیته ترمیملش بیلن چېکلنمه‌یدی، بلکه عایله‌لر خوفسیزلیگینی تأمینلش، انسانی قدر-قیمتینی حمایه قیلیش و اولرگه خاطرجمعلیک یره‌تیشنی هم مقصد قیله‌دی.
بیرلشگن ملتلر تشکیلاتی‌نینگ اهالی یشش جایلری بۉییچه دستوری، حاضرگی یاردم قَیتیب کېلگن عایله‌لر‌نینگ احتیاجلرینی قاندیریش اوچون یېترلی اېمسلیگینی و کۉپراق یاردم اجره‌تیلیشی ضرورلیگینی تأکیدله‌دی.
اوشبو تشکیلات مناسب تورر جایگه اېگه بۉلیشنی انسان حقوقی دېب حسابلب، اونی امتیاز صفتیده تلقین قیلمسلیک کېره‌کلیگینی قید اېتدی.
