بدخشان‌ده صنعتی و طبی اۉسیملیکلرنی قاچاق اېتیلیشی آشگن
۸صبح، بدخشان: طالبان‌نینگ بدخشانده‌گی مسووللری اوشبو ولایت‌نینگ یشاووچیلری سابق‌سیز روشده تاغلی اۉسیملیکلرنی قازیب آلیشگه یوز کېلتیرگنلرینی ایتگن. بو اېسه ایریم صنعتی و طبی اۉسیملیکلرنینگ یۉقالیشگه سبب بۉلگنی ایتیله‌دی.
بدخشان‌ده طالبلر اطراف محیطنی تازه سقلش اداره‌سی‌نینگ رییسی قاری فیض‌الرحمن ابراهیمی ۲۲-عقرب دوشنبه کونی بو ولایتده‌گی صنعتی و طبی اۉسیملیکلردن سنلگن «ایله‌رنگ» حددن آرتیق قازیب آلینیب قاچاق اېتیلگنی سبب بوتونله‌ی نابود بۉلیشگه یوز توتگن دېب ایتگن.
بدخشان ولایتیده بو گروه محلی مسووللری‌‌نینگ اوشبو اۉسیملیک قازیلمسلیگی اوچون آلیب باریلگن سعی وحرکتلرگه قره‌مه‌ی، بو ولایتده صنعتی و طبی اۉسیملیکلرنی قاچاق ایتیش قتّیق بیر شکلده دوامی بار دېدی ابراهیمی.
باشقه بیر تاماندن بو ولایت‌نینگ ایریم یشاووچیلری قشّاقلیک همده ایش‌سیزلیک اولرنی ایله‌رنگ (حاشیک) اۉسیملیگینی قازیب آلیشگه یوز کېلتیریشلریگه سبب بۉلگنینی تیلگه آلگنلر.
اولرنینگ سۉزلریگه کۉره، آدملر اوشبو اۉسیملیک‌نینگ بیرسیری (یېتّی کیلیو)سینی ۵۵۰افغانی ساته‌دیلر.
یشاووچلرنینگ کۉپه‌یتیریشیچه، هر بیر کیشی کونیده مذکور اۉسیملیک‌نینگ ایکّی سیری (۱۴کیلیو)سینی قازیب آله‌دیلر.
منبعلرنینگ معلوماتیگه کۉره، کونده مذکور اۉسیملیک یوکلنگن بیر موتر اوشبو ولایت‌نینگ کران‌ومنجان اولسواللیگی‌نینگ انجمن کوتلی آرقلی پنجشیر آلیب باریلیب و یېردن تشقریگه قاچاق اېتیله‌دی.
حاشیک اۉسیملیگی بۉیَیش صنعتیده ایش آلینه‌دیېگن اۉسیملیکلردن حسابلنه‌دی.
