هند طالبان‌گه ۱۸ تورده‌گی سرطان‌گه قرشی دارو-درمان یېتکزدی
۸صبح، کابل: طالبان نظارتیده‌گی افغانستان ساغلیقنی سقلش وزیرلیگی هند حکومتی اوشبو گروه‌گه ۱۸ تورده‌گی سرطان‌گه قرشی دارو-درمان یاردم صفتیده تقدیم اېتگنینی معلوم قیلدی.
مذکور وزیرلیک مطبوعات کاتبی، شراف زمان، ۲۹- جدی، دوشنبه کونی، مذکور یاردم ۷۷۶ کارتن‌ده، عمومی آغیرلیگی ییتی مینگ و ۵۸۹ کیلوگرام‌نی تشکیل اېتگنینی بیلدیردی.
طالبان بیاناتیگه کۉره، اوشبو یاردم سرطان بیلن آغریگن بېمارلرنی قۉللب-قوتلش و ساغلیقنی سقلش خدمتلرینی کوچیتیریش مقصدیده اجره‌تیلگن.
آلدینراق، طالبان ساغلیقنی سقلش وزیری نورجلال جلال هندگه سفری چاغیده دهلی اوشبو گروه‌گه قیمتی بېش میلیون دالر بۉلگن واکسین‌لر اجره‌تیشینی معلوم قیلگن اېدی.
شونینگدېک، هند طالبان‌گه قیمتی ۵۰۰ مینگ دالرلیک شفاخانه قوریش بۉییچه وعده بېرگن.
بوندن تشقری، دهلی سرطان کسللیکلرینی انیقلش اوچون مۉلجللنگن، قیمتی اوچ میلیون دالرلیک «رادیوتراپی» اسکونه‌سینی هم طالبان‌گه تقدیم اېتگن اېدی.
