ایران اسلام انقلابی قۉریقچیلری اردندهگی امریکا حربی اوچاقلری جایلشگن بزه‌گه هجوم قیلگنینی دعوا قیلدی
ایران اسلام انقلابی قۉریقچیلری اردندهگی «ازرق» بزه‌سیده جایلشگن امریکا‌نینگ جنگنده‌های اف-۱۵، اف-۱۶ و اف-۳۵ قیرووچی اوچاقلری مرکزلرینی نشانگه آلگنی همده امریکا‌نینگ بیر قنچه ام‌کیو-۹ درونلرینی یۉق قیلگنینی دعوا قیلدی.
فارس اخبارات آژانسی، چهارشنبه کونی، ۱۵-جولای، خبر بېریشیچه، ایران اسلام انقلابی قۉریقچیلری امریکا اوردوسی‌نینگ ایرانده‌گی اَیریم نقطه‌لرگه اویوشتیرگن هجوملریگه جوابه‌ن اردندهگی اوشبو امریکا بزه‌سینی نشانگه آلگن.
خبرگه کۉره، اسلام انقلابی قۉریقچیلری امریکا‌نینگ ایرانگه قرشی هجوملری‌نینگ اساسی قِسمی اردندهگی «ازرق» بزه‌سیدن عملگه آشیریله‌یاتگنینی دعوا قیلگن.
ایران اسلام انقلابی قۉریقچیلری، شونینگدېک، اردن خلقینی اوشبو مملکت حدودیده‌گی امریکا بزه‌لریگه قرشی حرکت قیلیشگه چقیرگن.
سۉنگگی کونلرده ایران و امریکا اۉرته‌سیده‌گی کېسکینلیک حربی تۉقنه‌شوولرگه آلیب کېلیب، منطقه‌ده کېنگ کۉلملی اوروش قَیته باشلنیشی ممکنلیگی حقیده‌گی خواطرلرنی کوچه‌یتیردی.
