چېگره‌نی یاپیش خصوصیده طالبان مناسبتی گه ایران نینگ جوابی؛ «اعتراض بیلدیریش گه هیچ کیمنی حقی یوق»
ایران اردوسی نینگ زمینی کوچلر قوماندانی کیومرث حیدری چېگره‌نی یاپیش ریجه خصوصیده طالبان نینگ اعتراضی گه جواب ایتیشیچه، بو اقدام اوچون «باشقه‌لر» بو مملکت گه تکلیف تعیین قیله آلمه‌یدیلر.
ایرنا آژانسی ۲۷ دلو، جمعه کونی کیومرث حیدری ایران و افغانستان آره‌سیده‌‌گی چېگره‌نی باریب کۉزتگنیدن خبر بیرگندی.
او اوشبو سفری دایره‌سیده ایتیشیچه: «دایمی امنیت تامین ایتیلیشی قوراللی کوچلر نینگ زمه‌سیگه دیر و بو دایمی امنیت پهپاد یا که دوربین بیلن بجریله‌دی و نیاز بولگن حالده چېگره‌نی یاپیش و فیزیکی حضور بیلن بوله‌دی، شونی اوچون بیز گه تکلیف تعیین قیلیش گه حقلری یوق بیز اۉز چېگره‌لریمیز اوستیگه ایشله‌ماقده میز.»
حیدری نینگ کوپه‌یتیریشیچه: «چېگره‌لریمیزنی یاپیش گه قرار قیلدیک و بو ایش گه دوام بیرماقده‌میز، چونکه برچه مملکت‌لر اۉز ریجه‌لری و اختیارلری بیلن چېگره‌نی یاپه‌دی و هیچ کیم هم اعتراض قیله آلمه‌یدی.»
ایران بوندن آلدین افغانستان بیلن ۷۴ کیلومتر چېگره‌سینی یاپیشینی بیلدیرگن اېدی.
بو اقدام گه جواب طالبان سوزولاچیسی ذبیح‌الله مجاهد، بو موضوع «ایکّی» مملکت نینگ کیلیشووی بیلن عملگه آشیریله‌یاتگنینی معلوم قیلدی.
ترقه‌لگن معلومات‌لر اساسیده، افغانستان و ایران چېگره‌سی چیزیغ‌لریدن بیر بولیم‌لریده انسان و بنگی‌وار ماده‌لر قاچاق بوله‌دی و «ترورچی گروه‌لر هم» اوشبو یوللر آرقه‌لی ایران گه اوتیش احتمالی بار.
شو بیلن بیرگه، طالبان هردایم آچیقلنگن ادعالرنی رد قیلیب، افغانستان توپراغیدن هیچ مملکت گه قرشی فایده‌لنمسلیگینی ایتگنلر.
