اسلام آباد طالبان آرقلی افغانستان‌ده تی‌تی‌پی اعضالری اوشلب آلینگنینی تصدیقلمه‌دی
۸صبح، کابل: بوندن نېچه کون آلدین طالبان بلند مرتبه‌لی رسمیلریدن بیری بو گروه تامانیدن افغانستان‌ده تی‌تی‌پی جنگریلریدن بیر قنچه‌سی اوشلب آلینگنی حقیده‌گی اظهاراتلرنی تیلگه آلگندن سۉنگ، پاکستان تشقی ایشلر وزیرلیگی سۉزلاوچیسی ممتاز زهرا بلوچ بو موردنی تصدیق اېته آلمسلیکلرینی بیلدیردی.
زهرا بلوچ بو تۉغریده‌گی موضوعنی ۳۰ –قوس پنج‌شنبه کونی اۉزی نینگ هفته‌لیک ییغینیده اظهار قیلدی.
اونینگ سۉزلریگه کۉره: «بیزلر ایریم یېتکرمه‌لرنینگ گزارشلریگه اعتبار قره‌تگنمیز. بو باسقیچده، بیزلر بو حقیده‌گی هر قنده‌ی بیر سعی و حرکتنی ثمره‌لی دېب تقاسله آلمه‌یمیز.»
زهرا بلوچ ینه بیر مرته طالبلردن، افغانستان توپراغیده ترورچیلیک گروه اینیقسه تی‌تی‌پی‌گه قرشی ثمره‌لی کوره‌شیب جدی چاره تدبیر کۉریشلرینی سۉره‌دی.
شونینگدیک او مذکور خبری ییغینده تی‌تی‌پی نینگ افغانستان‌ده امریکا قۉشمه ایالتلریدن قالگن زمانوی قورال اسلحه‌گه اېریشگنیدن خواطر بیلدیریب، طالبان کنترولی آستیده‌گی افغانستان توپراغیدن هر قنده‌ی تهدید کۉتریلیشی اوچون خلق ارا قۉشمه چاره تدبیر طلب قیلگن.
بوندن آلدین امریکا و طالبان پاکستان نینگ بو خصوصده‌گی ادعاسینی کېسکین رد قیلگن اېدی.
آلدینراق آق اوی خوفسیزلیک کېنگشی سۉزلاوچیسی جان کربی افغانستان‌ده هر قنده‌ی قورال تشلب چیقیلگینی قاره‌لب بو تۉغریده‌گی ادعالرنی «کولگولی» دېب ایتگن اېدی.
عین حالده، بی‌آر نینگ یازیشیچه، زهرا بلوچ پاکستان عالملر جمعیت باشلیغی مولانا فضل‌الرحمان طالبان تمانیدن کابل‌گه چقیریلگنیگه اشاره قیلیب، بو اقدامنی فردی همده نا رسمی دېب بیلدیرگن اېدی.
بو قبیل اظهاراتلر بوندن نیچه کون آلدین طالبان ایچکی ایشلر وزیرلیگی سۉزلاوچیسی عبدالمتین قانع طلوع نیوزگه، مذکور گروه جاری ییل ایچیده تی‌تی‌پی نینگ افغانستان‌ده ۳۵- ۴۰ جنگریسی اوشلب آلگن دېگن سۉزنی تیلگه آلگندن سۉنگ ایتیلماقده.
