اسماعیل خان: دستلب غرور بیلن طالبنی حمایت قیلگن دنیا، بوگون اویه‌له‌دی
۸صبح، کابل: «هرات خوفسیزلیک اۉن بیرینچی» ییغینیده اشتراک قیلیش مقصدیده تاجیکستان‌گه سفر قیلگن سابق جهادی قوماندان اسماعیل‌خان، طالبان حاکمیتی آستیده‌گی افغانستان «ییریک معما» بیلن روپه ره دیر و معما اېسه «منطقه و دنیا»نی هم قمرب آلگن دېدی.
اسماعیل‌خان بو قبیل سۉزلرنی ۶- قوس دوشنبه کونی، دوشنبه شهریده خبرچیلر بیلن بۉلگن صحبتیده تیلگه آلگن.
اونینگ سۉزلریگه کۉره، «دوحه بیر تامانلمه کېلیشووی»نینگ باشقروولری قدرتنی طالبلرگه تاپشیرگنیدن پشیمانلر و حاضر اېسه بو گروه ایجابی اۉزگرمه‌گنی، بلکه اۉتمیشگه قره‌گنده قتّیقراق بۉلگنینی انگله‌گنلر.
اسماعیل‌خان نینگ تاکیدله‌شیچه: «دستلب غرور بیلن طالباننی حمایت قیلگن دنیا، بوگون اولر ندامت بیلن اویه‌له‌دیلر»
طالبلرنینگ مخالفلری اۉتمیشدن کۉره حاضر بیر-بیراولری بیلن یقینلشگنلر و مذاکره‌لر نتیجه بېرمه‌گن حالده، اۉتمیش کبی ایریم شیوه‌لرگه یوز کېلتیریب افغانستاننی بو «شر»دن قوتقره‌دیلر.
تاجیکستان‌ده ۶- قوس، دوشنبه کونی، افغانستان استراتژیک مطالعات مرکزی تامانیدن تاجیکستان نینگ دوشبنه شهریده اویوشتیریلگن «هرات خوفسیزلیک» اۉن بیرینچی ییغینی ایکّی کون اۉتکزیلیشی مول‌جللنگن.
