کرن دیکر: امریکا هنوز هم افغانستانگه ییریک یاردم بیرووچی مملکت دیر
۸صبح، کابل: امریکانینگ قطرده‌گی اېلچیخانه‌سی‌نینگ افغانستان بۉییچه مؤقت وکیلی کرن دیکر بیرلشگن ملتلر تشکیلاتی نینگ جهان آزیق-آوقت دستوری (WFP) و افغانستانگه یاردم کۉرسه‌ته‌دیگن باشقه تشکیلاتلر وکیللری بیلن اوچره‌شووینی اعلان قیلدی.
دیکر ایکس نینگ اجتماعی صحیفه‌سیده اوچره‌شوو ۲۲-عقرب دوشنبه کونی دوحه‌ده بۉلیب اۉتگنینی یازدی.
کرن دیکر جهان آزیق-آوقت دستوری‌نینگ انسان بحرانی حقیده‌گی یقینده‌گی حساباتینی طالبان افغانستاننی ینه نظارت آستیگه آلگنیدن کېین قَیته نشر اېتدی و امریکا حلی هم افغانستان خلقیگه «اېنگ کتّه دونر» اېکنلیگینی و بو مملکتده صرفلنگن هر بیر دالرگه جواب بېریلیشی کېره‌کلیگینی قۉشیمچه قیلدی.
اونینگ قۉشیمچه قیلیشیچه، افغانستان خلقی «کۉپ بحرانلر» شرایطیده قماقخانه‌لرده‌گیلر هم یاردمگه محتاج.
یقینده جهان آزیق- دستور دستوری (WFP) تشکیلاتگه قیشگی قار باشلنیب، یۉللر یاپیلیشیدن آلدین افغانستاندهگی محتاجلرگه آزیق-آوقت یاردمی یېتکزیب بېریش اوچون ۴۰۰ میلیون دالر کېره‌کلیگینی اعلان قیلدی.
۲۱- عقرب یک‌شنبه کونی بو تشکیلات اۉزی‌نینگ ایکس صحیفه‌سیده قیش کېله‌یاتگنینی و افغانستان کوته آلمه‌سلیگینی یازگن.
عینِ پیتده یاردم تشکیلاتلری افغانستاندهگی انسانی وضعیت یامانلشگنیدن آگاهلنتیریب، افغان قاچقینلری‌نینگ پاکستان‌دن جبری قَیتیشی وضعیتنی ینه‌ده آغیرلشتیریشینی ایتیشگن.
