خامنه‌ایی اسماعیل هنیه‌گه: ایران حماس و اسراییل اوروشی‌گه اره‌لشمه‌یدی
رویترز خبر آژانسی ایرانلیک اوچ بلند مرتبه‌لی رسمیگه اساسلب تیارله‌گن گزارشده، ایران مذهبی رهبری آیت‌الله علی خامنه‌ای حماس سیاسی دفتری رییسی اسماعیل هنیه بیلن اوچره‌شگنده اونگه رسمی تهران اسراییل بیلن توقنشمسلیگیدن خبر بېرگن.
۱۵-نوامبر چهارشنبه کونی نشر بۉلگن اوشبو گزارشده کېلیشیچه، خامنه‌ای میلادی جاری ییل نوامبر آیی‌نینگ بیرینچیسی‌ده اۉتکزگن اوچره‌شووده حماس‌نینگ اوشبو بلند مرتبه‌لی رسمیسیگه گیله قیلیب نېگه آلدینراق اۉزلری‌نینگ اسراییل‌گه هجومی باره‌سیده معلومات بېرمه‌گن.
گزارشگه ناملی فاش اېتیلیشینی ایستمه‌گن ایران و حماس‌نینگ بلند مرتبه‌لی رسمیلری‌نینگ رویترزگه ایتیشیچه، خامنه‌ای بو اوچره‌شووده اسماعییل هنیه‌گه اسلام جمهوریتی اۉزی‌نینگ حماس‌دن بۉلگن سیاسی و اخلاقی حمایتیگه دوام بېره‌دی، لېکن تۉغریدن تۉغری بو توقشنووگه اره‌له‌شیشی ممکن اېمس دېگن.
حماس‌نینگ بیر رسمیسی: «انقلاب معظم رهبری هنیه‌نی باسیم آستیگه آلیب فلسطینلیک گروه‌لردن ایران و اونینگ کوچلی اتفاقداشی بۉلمیش حزب لله لبنان اسراییل‌گه قرشی اوروشگه سفربر بۉلیشلری تۉغریسیده‌گی آوازلرنی اۉچیریشینی سۉره‌گن» تیلگه آلگن.
شونینگدېک حزب‌الله گه یقین اوچ منبع رویترزگه بیلدیریشیچه، حزب‌الله اورشقاقلری حتی اوروش‌نینگ چیزیغیده‌گی قیشلاق یقینلریده هم اسراییل بیلن بۉلمه‌گن و بو گروه‌نینگ آماده باشلیگی خصوصیده هیچ بیر وضعیت کوزه تیلمه‌گن.
حزب‌الله نینگ قوماندانلریدن بیری رویترزگه بو خصوصده: «بیزلر ارووش باشلگندن سۉنگ، اونی یوز بېرگنیدن خبر بۉلدېک.» دېگن.
ایران هنوزگچه بو تۉغریده رسمی بیرار نرسه دېمه‌گن.
عین حالده خامنه‌ای و هنیه جاری ییل ۵-نوامبرده هم تهران‌ده اوچرشگن اېدیلر.
ایران عاموی اخبارات واسطه‌لری، ایران مذهبی رهبری تهران‌نینگ حماس کوچلرینی اسراییل‌گه قرشی همیشه‌لیک سیاستیگه تاکیدلب کېلگینی گزراش بېرگن.
