خامنه‌ای: اگر امریکا ایران‌گه هجوم قیلسه منطقوی اوروش باشلنه‌دی
ایران نینگ مذهبی رهبری، آیت‌الله علی خامنه‌ای، آگاهلنتیریشچه، اگر امریکا قۉشمه ایالت‌لری ایران‌گه هجوم قیلسه، یقین شرق‌ده منطقوی اوروش باشلنه‌دی.
خامنه‌ای، ۱- فبروری، یکشنبه کونی، سۉنگگی پیتده‌گی امریکا و ایران اۉرته‌سیده‌گی ترنگلیکلر بۉییچه اۉزی نینگ اېنگ انیق بیاناتینی بېردی.
اوشبو آگاهلنتیریش امریکا حربی کېمه‌لری نینگ یقین شرق حدودیده حرکتلنیشی آرتیدن بیلدیریلدی.
شو بیلن بیرگه، امریکا جمهور رییسی، دونالد ترمپ، ایران حاضرده واشنگتن بیلن مذاکره آلیب باره‌یاتگنینی ایتدی.
ایران مذهبی رهبری تأکیدلشیچه: «امریکالیکلر بیلسین، اگر اولر اوروشنی باشلشسه، بو سفر اوروش منطقوی بۉله‌دی.»
شونینگدېک خامنه‌ای ، ایران نینگ سۉنگگی نمایشلرینی «تۉنتریش» بیلن سالیشتیردی و اولر نینگ باستیریلگنینی ایتدی.
او قۉشیمچه قیلیشیچه: «سۉنگگی فتنه تۉنتریشگه اۉخشردی. البته، تۉنتریش باستیریلدی. اولر نینگ مقصدی مملکت باشقروویده‌گی مهم و ثمره‌لی مرکزلرنی یۉق قیلیش اېدی، شو نینگ اوچون اولر پولیس، دولت اداره‌لری، سپاه مرکزلری، بانکلر و مسجدلرگه هجوم قیلیشدی و قرآن‌نی یاقیشدی.»
سۉنگگی نمایشلردن سۉنگ، امریکا ایران اوستیده‌گی باسیمنی کوچه‌یتیردی.
