مک‌کال: طالبان بیلن تعامل قیلیش تکلیفی افغانستان خلقی نینگ یوزی گه اۉروش دیر
امریکا نماینده‌لر کینگشی نینگ تشقی مناسبت‌لر کمیته باشلیغی مایکل مک‌کال افغانستانده امریکا ایلچیخانه‌سی کارداری کرن دکر نینگ «سیاسی یول خریطه‌سی و طالبان بیلن تعامل» قیلیش دن افغانلر نینگ حمایت قیلیشی گه دایر سۉنگی بیاناتی گه مناسبت بیلدیریب ایتیشیچه، بو گروه بیلن تعامل قیلیش تکلیفی افغانستان خلقی نینگ یوزی گه اۉروش کبی دیر.
مک‌کال نینگ بیاناتی ۱۹ حوت، شنبه کونی امریکا نماینده‌لر کینگشی نینگ تشقی مناسبت‌لر کمیته‌سی تامانیدن ترقه‌لدی، اوشبو مملکت جمهور باشلیغی جوبایدن دن طالبان بیلن تعامل قیلیش اوچون هېچ کېمنی ترغیب قیلمسلیگینی سۉره‌گن.
اونگه کوره، افغانلر طالبان رژیمی نینگ قربانی بولگنلر.
ایتیش کېره‌ک که اۉتگن کون (جمعه، ۱۸ حوت) خانم دکر تورکیه ده مدنی جماعه‌چیلیک وکیللریدن بیرقطاری بیلن اۉچره‌شووده، اولر بیرلشگن ملتلر تشکیلاتی ییتکچیلیگیده افغانستان نینگ خلق‌ارا همجمعیت گه قوشیلیشیدن حمایت قیلیش‌لرینی ادعا قیلگن.
مملکتلر نینگ طالبان بیلن تعامل قیلیش تکلیفی هردایم افغانستان سیاستچیلری و یشاوچیلری نینگ قتیق قرشی‌‌لیگی بیلن روپه‌ره بولگن.
ینگی‌لیکده، بیرلشگن ملتلر تشکیلاتیده افغانستان نماینده‌لیگی سرپرستی نصیراحمد فایق ۱۸ حوت، چهارشنبه کیچه مذکور تشکیلات نینگ خوفسیزلیک کینگشی ییغیلیشیده، افغانستان خلقی مملکتلر طالبان بیلن مناسبت‌لرینی عادی‌لشتیریش دن خواطرده اېکنلرینی بیلدیرگندی.
فایق اوشبو تشکیلات خوفسیزلیک کېنگشی ییغیلیشیده، طالبان تروریسم گه قرشی کوره‌ش اوچون بیرگن وعده‌سی گه عمل قیلیب و انسان حقلری اېنیقسه عیاللر حقوقینی رعایت قیلگن تقدیرده، دنیا همجمعیت بو گروه بیلن تعامل قیلیشی کېره‌ک دیگن.
افغانستانده «جنسیتی آپارتاید» طفیلی طالبان گه هېچ امتیاز بیریلمسلیگینی تاکید اېتگن، نصیراحمد فایق.
اونینگ ایشانچی گه کوره، ملی مذاکره‌لردن سۉنگ همه‌شمول سیاسی تېزیم قوریلیشی، افغانستانده دایمی صلح و ثبات برقرار اېتیلیشی گه سبب بوله‌دی.
طالبان نینگ افغانستانده قدرت نی آلگنیدن ایکّی ییل دن کوپ اۉتماقده اېکن بو گرو حاضرگچه دنیا همجمعیت نینگ شرط‌لریدن هېچ بیری جمله دن همه‌شمول حکومت شکللنیشی و انسان حقلری اېنیقسه عیاللر نینگ حقوقینی رعایت قیلمه‌گن بیرحالده، طالبان بیلن تعامل قیلیش تکلیفی بیریلماقده.
