۱۰ مینگ متر مربع‌دن آرتیق هرات قۉل‌گه تۉقیلگن قالینی آلمان‌گه یوباریلگن
۸صبح، هرات: هرات ولایتی مطبوعات خدمتی اوشبو ولایتدن آلمان‌گه ۱۰ مینگ متر مربع‌دن آرتیق قۉل‌گه تۉقیلگن قالینی صادر اېتیلگنینی معلوم قیلدی.
مذکور اداره چهارشنبه کونی، ۳۱-سرطان، ایکس صحیفه‌سیده جاری میلادی ییل باشیدن بویان اوشبو قالینلر ۱۰۳ مینگ امریکا دالری قیمتیده یوباریلگنینی اعلان قیلدی.
هرات محلی اداره‌سی ولایتده ایشلب چیقریلگن قالینلر یوقاری صفتی، اصل نقشلری و عنعنوی تۉقیلیشی طفیلی جهان بازارلریده علیحده ا‌ۉرینگه اېگه اېکنینی بیلدیردی.
اداره‌نینگ قۉشیمچه قیلیشیچه، قالینچیلیک صناعتینی قۉللب-قوّتلش همده ایچکی و تشقی بازارلرنی رواجلنتیریش اوچون شرایط یره‌تیش آرقه‌لی اوشبو محصولات صادراتی‌نینگ اۉسیشیگه یاردم‌لشماقده.
قالین تۉقیش افغانستان‌نینگ عنعنوی و مهم صناعت ترماقلریدن بیری حسابلنه‌دی. مملکت‌نینگ قۉل قالینلری اۉزی‌نینگ نقشلری و صفتی طفیلی ایچکی همده تشقی بازارلرده یخشی تنیلگن.
افغانستان قۉل‌گه تۉقیلگن قالینلرینی ایشلب چیقرووچی مملکتلردن بیری بۉلیب، اوشبو صناعت کۉپلب عایله‌لر، اینیقسه قیشلاق حدودلریده‌گی عایله‌لر اوچون درآمد منبعی حسابلنه‌دی.
