بیرلشگن ملتلر تشکیلاتی ایراندن چیقریلگن باله‌لرنی قۉللب-قوّتلشنی سۉره‌دی
۸صبح، کابل: بیرلشگن ملتلر تشکیلاتی‌نینگ افغانستاندهگی وکالت‌خانه‌سی اۉسمیرلر‌نینگ ایراندن دېپورت قیلینه‌یاتگنیدن خواطر بیلدیریب، تعلیم ساحه‌سیگه سرمایه کیریتیش و باله‌لرنی قۉللب-قوّتلش ضرورلیگینی تأکیدله‌دی.
اوشبو تشکیلات یک‌شنبه کونی، ۲۶ میزان، ایکس صحیفه‌سیده هېچ بیر باله ایشلش و باله‌لیک دورینی باشدن کېچیریش اۉرته‌سیده تنلاو قیلیشگه مجبور بۉلمه‌سلیگی کېره‌کلیگینی یازدی.
تشکیلات تعلیم ساحه‌سیگه زودلیک بیلن سرمایه کیریتیش، باله‌لرنی قۉللب-قوّتلش و اولر اوچون مناسب امکانیتلر یره‌تیشگه چقیردی.
سۉنگگی ییللرده کۉپلب افغانستانلیک مهاجرلر ایراندن قَیتگن. اولر آره‌سیده عایله‌لری‌نینگ خرجتلرینی قاپلش اوچون ایشله‌گن باله‌لر و اۉسمیرلر هم بار.
بو باله‌لر‌نینگ قَیتیشی اولر‌نینگ تعلیم آلیش امکانیتینی تأمینلش، اجتماعی حمایه‌نی کوچه‌یتیریش و عایله‌لری اوچون تیریکچیلیک امکانیتلرینی یره‌تیش ضرورتینی ینه‌ده آشیرماقده.
