طالبان: ۱۰۰ دن آرتیق عایله مجبوری روشده افغانستانگه قَیتریلدی
۸صبح، کابل: طالبان‌نینگ اَیتیشیچه، اۉتگن کون ۱۲۲ ته عایله، جمعی ۵۴۲ کیشی مجبوری روشده افغانستانگه قَیتریلگن.
طالبان سۉزلاوچیسی اۉرین‌باسری، حمدالله فطرت سه‌شنبه کونی، ۲۸-میزان، اعلان قیلگن بیاناتیده اوشبو عایله‌لر تۉرت ته چېگره اۉتکزیش یۉلی آرقه‌لی مملکتگه کیرگنینی معلوم قیلگن.
فطرت‌نینگ اَیتیشیچه، ۲۱ ته عایله، جمعی ۱۰۱ کیشی ننگرهار ولایتیده‌گی تورخم چېگره یۉلی آرقه‌لی، ۱۲ ته عایله، جمعی ۷۴ کیشی اېسه قندهار ولایتیده‌گی سپین‌بولدک چېگره اۉتکزیش یۉلی آرقه‌لی افغانستانگه کیرگن.
بیاناتگه کۉره، ۶۹ ته عایله، جمعی ۲۹۱ کیشی نیمروز ولایتیده‌گی ابراهیم خلیل کۉپریگی آرقه‌لی مملکتگه قَیتگن.
شونینگدېک، ینه ۲۰ ته عایله، جمعی ۷۶ کیشی هرات ولایتیده‌گی اسلام‌قلعه چېگره‌سی آرقه‌لی افغانستانگه کیرگن.
