اوچا: قندوزده مینگلب قَیتیب کېلگنلر اساسی خدمتلر تنقیصلیگیگه دوچ کېلماقده
۸صبح، کابل: بیرلشگن ملتلر تشکیلاتی‌نینگ انسانپرورلیک یاردمنی موافقلشتیریش باشقرمه‌سی (اوچا) قیش یقینلشر اېکن، قندوزده مینگلب قَیتیب کېلگنلر اساسی خدمتلر تنقیصلیگیگه دوچ کېله‌یاتگنینی معلوم قیلدی.
اوشبو اداره سه‌شنبه کونی، ۲۸-میزان، ایکس صحیفه‌سیده یازیشیچه، مملکتگه قَیتگن عایله‌لر قیش عرفه‌سیده آغیر تورموش شرایطلریگه دوچ کېلماقده.
اوچا اوشبو عایله‌لر شاشیلینچ و اوزلوکسیز انسانپرورلیک یاردمگه محتاج اېکنینی تأکیدله‌گن.
مذکور تشکیلات‌نینگ اَیتیشیچه، قَیتیب کېلگن عایله‌لر‌نینگ اساسی احتیاجلرینی قاندیریش و اولر‌نینگ احوالی ینه‌ده یامانلشیشی‌نینگ آلدینی آلیش اوچون یاردمنی دوام اېتتیریش ضرور.
افغانستانگه قَیتیب کېله‌یاتگنلر، اینیقسه، یېترلی امکانیتلرسیز مملکتگه قَیته‌یاتگن عایله‌لر باش‌پناه، آزیق-طعام، طبی خدمتلر و باشقه بیرینچی احتیاجلرینی تأمینلش اوچون کۉپراق انسانپرورلیک یاردمگه محتاج.
