متقی مسکو فارمتی ییغیلیشی دایره‌سیده چین‌نینگ مخصوص وکیلی بیلن اوچره‌شدی
۸صبح، کابل: طالبان تشقی ایشلر وزیری امیرخان متقی مسکوده بۉلیب اۉتگن «مسکو فارمتی»نینگ سکّیزینچی ییغیلیشی دایره‌سیده چین‌نینگ افغانستان بۉییچه مخصوص وکیلی یو شیاویونگ بیلن اوچره‌شیب، مذاکره اۉتکزدی.
طالبان تشقی ایشلر وزیرلیگی چهارشنبه کونی، ۱۵ میزان، ترقه‌تگن بیاناتیده مذکور اوچره‌شووده طالبان و چین اۉرته‌سیده‌گی ایکّی تامانله‌مه مناسبتلر، منطقه‌ده‌گی وضعیت همده همکارلیکنی کېنگه‌یتیریش مسأله‌لری محاکمه قیلینگنینی معلوم قیلدی.
یو شیاویونگ طالبان و چین اۉرته‌سیده‌گی مناسبتلرنی ایجابی بهالب، چین‌نینگ منطقه‌ده‌گی وضعیت حقیده‌گی قره‌شلرینی طالبان تامانی بیلن اۉرتاقلشگن.
او، شونینگدېک، منطقوی برقرارلیکنی تأمینلش، اۉزارا همکارلیکنی مستحکملش همده افغانستان‌نینگ اقتصادی و منطقوی باغلیقلیگینی رواجلنتیریش اوچون بیرگه‌لیکده‌گی سعی-حرکتلر‌نینگ مهم‌لیگینی تأکیدله‌گن.
