متقی افغانستاندهگی بیرلشگن ملتلر تشکیلاتی قاچقینلر بۉییچه عالی کمیساریلیگی باشلیغی بیلن اوچره‌شدی
۸صبح، کابل: طالبان تشقی ایشلر وزیری امیرخان متقی افغانستاندهگی بیرلشگن ملتلر تشکیلاتینینگ قاچقینلر بۉییچه عالی کمیسارلیگی (UNHCR) وکالت‌خانه‌سی باشلیغی عرفات جمال بیلن افغان مهاجرلری‌نینگ حالتی حقیده اوچره‌شدی.
طالبان تشقی ایشلر وزیرلیگی یکشنبه کونی، ۱۵-سنبله، ایکس صحیفه‌سیده بیانات اعلان قیلیب، اوشبو اوچره‌شووده قَیتیب کېله‌یاتگنلر‌نینگ احوالینی یخشیلش مسأله‌سی محاکمه قیلینگنینی دعوا قیلگن.
طالبان بیاناتیگه کۉره، طالبان تشقی ایشلر وزیری و بیرلشگن ملتلر تشکیلاتینینگ افغانستاندهگی قاچقینلر بۉییچه عالی کمیسارلیگی وکالت‌خانه‌سی باشلیغی مهاجرلر‌نینگ قَیتیشی ساحه‌سیده موافقلشتیریش و ثمره‌لی همکارلیک مسأله‌لرینی محاکمه قیلگن.
بو حالت قۉشنی دولتلردن هر کونی یوزلب افغان مهاجرلری‌نینگ مجبوری قَیتریلیشی مملکتده بندلیک، اوی-جای و اساسی خدمتلرنی کۉرسه‌تیش ساحه‌لرینی جدّی معمالرگه دچار قیله‌یاتگن بیر پیتده یوز بېرماقده.
شونگه قره‌مه‌ی، طالبان قَیتیب کېلگن مهاجرلرنی جایلشتیریش، ایش بیلن تأمینلش و جمعیتگه قوشیلیشی اوچون شرایط یره‌تگنینی دعوا قیلماقده همده کۉپراق مهاجرلر‌نینگ اۉزی حکمرانلیک قیله‌یاتگن مملکتگه قَیتیشینی ایسته‌ماقده.
