نبیل: ایران سپاه پاسدران کوچلری کبی تشکیل قندهارده تکمیل بۉلدی
۸صبح، کابل: افغانستان سابق ملی خوفسیزلیک عمومی باشلیغی رحمت الله نبیل، ایران سپاه پاسداران کوچلریگه اوخشش تشکیل ایشی قندهار ولایتیده تکمیل بۉلیب بوگون بو کوچلرنینگ قوماندانی تعییلندی دېدی.
نبیل ۸- عقرب دوشنبه کونی ایکس اجتماعی ترماغیگه بیر پیام نشر قیلیب، «قندهارده طالبلراداره‌سیگه» یقین اعضالردن بیری عبدالاحد طالب اوشبو حربی کوچلرنینگ مسوولی اېتیب تعیینلنگن دېب یازیگن.
شونینگدېک اونینگ کۉپه‌یتیریشیچه، ولایتلر عالملر کېنگشی تکمیل بۉلگندن سۉنگ، بو کېنگشلر ایران اسلام جمهوریتی ولایت فقیه نماینده‌لری کبی ولایتلرده عمل قیله‌دی و برچه اداره‌لرگه حاکم بۉله‌دی.
اونینگ تاکیدله‌شیچه: «شونینگدیک قندهار حاکمیتی آستیده باشقه ایریم ساختارلر تکمیل بۉلیش احمالی بار، بو اېسه ایران اسلام انقلابیدن کېین باشلنگن دارگه آسیش و اوشلب آلیش سلسه‌سی دیر بو افغانستان‌ده هم حق‌العبد نامی آستیده باشله‌نیشی ممکن دیر.»
عین حالده، طالبان سۉزلاوچسی ذبیح‌الله مجاهد بوگون بو گروه نینگ رهبری ملا هبت‌الله آخوندزاده، عبدالاحد طالبنی اۉزی نینگ «مخصوص کوچلری قوماندانی» حیثیده تعیین قیلگنینی انیقله‌دی.
عبدالاحد بوندن آلدین طالبلر انتحاری کندک قوماندانی و بو گروه نینگ هلمند والیسی بۉلیب ایشله‌گن.
بوندن ایلگری هم رحمت‌الله نبیل، طالبلر رهبری قندهارده اۉزیگه یقین آدملردن تشکیل بۉلگن ۴۰مینگ کیشیلیک بیر حربی کوچ تشکیل بېرگنینی ادعا قیلگن اېدی.
