ناتو باش کاتبی: امریکا‌نینگ ایرانگه ینگی هجوملری ضرور اېدی
۸صبح، کابل: ناتو باش کاتبی مارک روته امریکا قۉشمه ایالتلری‌‌نینگ ایرانگه قرشی ینگی هجوملرینی حمایه قیلیب، اولرنی ضرور دېب اته‌دی.
الجزیره خبریگه کۉره، روته چهارشنبه کونی، ۱۷-سرطان کونی، انقره‌ده بۉلیب اۉته‌دیگن ناتو یېتکچیلری ییغینی‌دن آلدین ژورنالیستلرگه بېرگن بیاناتیده، واشینگتن‌نینگ حاضرگی شرایطده‌گی قطعی جوابی ا‌ۉرینلی بۉلگنینی اَیتدی.
او بو هجوملر ایران تامانیدن «اۉت آچیشنی تۉخته‌تیش کېلیشووی‌نینگ بوزیلگنی» دېب اته‌لگن حالتنی حسابگه آلگن حالده «مطلقا ضرور» بۉلگنینی تأکیدله‌دی.
ناتو باش کاتبی قۉشیمچه قیلدی: «اۉت آچیشنی تۉخته‌تیش کېلیشووی عمل قیله‌یاتگن بیر پیتده و ایران عملده اونی بوزه‌یاتگن بۉلسه، مېنینگ فکریمچه، امریکا قۉشمه ایالتلری‌‌نینگ قطعی طرزده جواب قَیتریشی مطلقا ضروردیر».
بوندن آلدین، امریکا اوردوسی‌نینگ مرکزی قوماندانلیگی (سنتکام) ایران حدودیده‌گی ۸۰ دن آرتیق نشانگه هجوم قیلگنینی معلوم قیلگن اېدی. بو هجوملر ایران‌نینگ یقینده هرمز بۉغازی آرقه‌لی اۉته‌یاتگن سودا کېمه‌لریگه قیلگن هجوملری دېب اته‌لگن حرکتلریگه زودلیک بیلن بېریلگن جواب صفتیده عملگه آشیریلگنی اَیتیلگن.
