اوچا: پاکستاندن قیتریلهیاتگن افغانلر زودلیک بیلن یاردمگه محتاج
۸صبح، کابل: بیرلشگن ملتلر تشکیلاتینینگ انسانپرورلیک یاردملرنی موافقلشتیریش باشقرمهسی (اوچا) معلوم قیلیشیچه، پاکستاندن قَیتگن افغانلرگه باشپناه، بالهلر اوچون تعلیم و تیریکچیلیک امکانیتلری کېرهک بۉلیب، قیش فصلی یقینلشگنی سری بو احتیاجلر ینهده آرتهدی.
مذکور تشکیلات چهارشنبه کونی، ۲۵ سانبله ایکس صحیفهسیده یازیشیچه، پاکستاندن قَیتهیاتگن افغانلر اۉز حیاتلرینی «صفردن» قَیته قوریشگه حرکت قیلماقده.
تشکیلات قیش فصلینینگ یقینلشیشی قَیتیب کېلهیاتگنلرنینگ شاشیلینچ یاردمگه بۉلگن احتیاجینی آشیریشیدن آگاهلنتیرگن.
بو بیاناتلر افغان مهاجرلرینی مجبورا قَیتریش جریانی هنوز دوام اېتهیاتگن، طالبان اېسه جاری قویاش ییلینینگ دستلبکی آلتی آییده ۶۱۷ مینگدن آرتیق کیشی ایران و پاکستاندن مملکتگه قَیتگنینی معلوم قیلگن بیر پیتده ینگرهماقده
