اوچا: جمعیتلرگه اۉز-اۉزینی تأمینلش و برداشلیککه اېریشیش اوچون یاردم ضرور
۸صبح، کابل: بیرلشگن ملتلر تشکیلاتینینگ انسانپرورلیک یاردملرینی موافقلشتیریش باشقرمهسی (اوچا) جمعیتلرگه اۉز-اۉزینی تأمینلش و برداشلیککه اېریشیش اوچون یاردم کۉرسهتیشگه سرمایه کیریتیش ضرورلیگینی تأکیدلهدی.
اوچا، پنجشنبه کونی، ۲۱ جوزا، ایکس صحیفهسیده ایش و بندلیک امکانیتلرینی طلب قیلهیاتگن عایلهلرنینگ صورتلرینی اعلان قیلدی.
اوچانینگ ایتیشیچه، بو عایلهلرنینگ عادی بیر طلبی بار، او هم بۉلسه ایش اۉرنی.
بیرلشگن ملتلر تشکیلاتینینگ انسانپرورلیک یاردملرینی موافقلشتیریش باشقرمهسی شوندهی دېگن: «بامیان شهریدهگی بیر اوی نینگ آستانهسیدن عایلهلر عادی بیر طلبنی بیلدیرهدی: ایش. بیز ایشلشگه تیارمیز، فقط امکانیتلرگه محتاجمیز.»
اوچاگه کۉره، افغانستانده انسانپرورلیک احتیاجلر دوام اېتهیاتگن بیر پیتده، جمعیتلرگه اۉز-اۉزیگه تهیهنیش و برداشلیلیکنی قَیته تیکلشده یاردم بېریش اوچون تورموش واسطهلریگه سرمایه کیریتیش ضرور.
بو شوندهی بیرحالده دیر که یقینده یوناما سرپرستی جورجیت گانیون، بیرلشگن ملتلر تشکیلاتی خوفسیزلیک کېنگشیگه تقدیم اېتگن حساباتیده افغانستان هنوز دنیادهگی اېنگ ییریک انسانپرورلیک انقراضلردن بیری اېکنینی و ۲۰۲۶-ییلده تخمیناً ۲۱.۹ میلیون کیشی انسانپرورلیک یاردمگه محتاج بۉلیشینی بیلدیرگن.
