اوچا تۉرت تومنده انسانپرورلیک فعالیتنینگ کېسکین چېکلنگنی حقیده خبر بېردی
۸صبح، کابل: بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسی (اوچا) افغانستاننینگ تۉرت تومنیده یاردم کۉرسهتووچی تشکیلاتلرنینگ فعالیتی و محتاج انسانلرگه یېتیب باریشی «کېسکین چېکلاو»گه دوچ کېلهیاتگنینی اَیتدی.
بو اداره یکشنبه کونی، ۵ مېزان، اداری و دستوری ارهلشوولر، شونینگدېک، یاردم آلووچی عیال خادملر و عیال یاردم آلووچیلرگه قۉییلگن چېکلاولر اوشبو چېکلاولرنینگ اساسی عامللریدن بۉلگنینی معلوم قیلدی.
اوچا معلوماتیگه کۉره، لایحهلر و اۉزارا شرطنامهلر تصدیقلشدهگی کېچیکیشلر، حرکتلنیش و چېگرهلردن اۉتیشگه قۉییلگن چېکلاولر همده مبلغلرنینگ قیسقریشی هم انسانپرورلیک یاردملرنینگ یېتیب باریشینی چېکلهیاتگن باشقه عامللردیر.
اوچانینگ انسانپرورلیک یاردملرنینگ یېتیب باریش درجهسینی خریطهلش بۉییچه تۉقّیزینچی تدقیقاتیگه کۉره، فاریابدهگی میمنه، ننگرهاردهگی مهمنددره همده نورستاندهگی برگمتال و کامدیش «کېسکین چېکلاو» درجهسیده توریبدی.
انسانپرورلیک یاردملرنینگ یېتیب باریشیگه قۉییلگن چېکلاو یاکه اونینگ ایزدن چیقیشی محتاج انسانلرگه یاردملرنی یېتکزیشده کېچیکیشیگه یاکه اولرنینگ اوشبو یاردملرنی آلیشیگه تۉسقینلیک قیلیشی ممکن.
اوچانینگ اَیتیشیچه، انسانپرورلیک تشکیلاتلرنینگ خوفسیز و برقرار کیریب باریشی احتیاجلرنی بهالش، یاردملرنی یېتکزیش همده محلی جماعهلر بیلن علاقه اۉرنهتیش امکانینی بېرهدی.
