خنجانی: طالبان پنجشیرده قریب ۳۰ مینگ نفر کوچینی جایلشتیردی
۸صبح، کابل: افغانستان ملی قرشیلیک جبهه‌سی‌نینگ سۉزلاوچیسی، عبدالله خنجانی‌نینگ اَیتیشیچه، طالبان پنجشیرنی اۉزی اوچون استراتژیک تهدید دېب بیله‌دی و اوشبو ولایتگه قریب ۳۰ مینگ نفر کوچینی جایلشتیرگن.
خنجانی سه‌شنبه کونی، ۲۸ میزان، طالبان پنجشیرده قریب ۷۰۰ ته خوفسیزلیک پُستینی تشکیل اېتگنی و هر بیر پُستده ۳۰ نفردن ۴۰ نفرگچه طالب بارلیگینی اَیتگن.
اونینگ سۉزلریگه کۉره، طالبان پُستلری هر بیری باشقه پُست‌نینگ کۉریش دایره‌سیده جایلشه‌دیگن طرزده قوریلگن.
ملی قرشیلیک جبهه‌سی سۉزلاوچیسی، طالبان‌نینگ پنجشیرده‌گی کوچلری سانی پاکستان بیلن چېگره‌ده‌گی پُستلرده جایلشتیریلگن کوچلر سانیدن ایکّی برابر کۉپ اېکنینی قۉشیمچه قیلگن.
او، شونینگدېک، طالباننی پنجشیرنی کېنگ مقیاسده حربیلشتیریش، ولایت اهالیسینی باستیریش و پنجشیرلیلرگه نسبتاً کمسیتووچی مناسبتده بۉلیشده عیبله‌گن.
خنجانی قۉشیمچه قیلیشیچه، طالبان پنجشیری بۉلیشنی سیاسی جنایتگه ایلنتیرگن.
اونینگ اَیتیشیچه، طالبان پنجشیر اهالیسینی اۉلدیریشده «تاریخی احتیاطکارلیک و وطنپرورلیک منفعتلری»نی حسابگه آلمه‌ی حرکت قیلماقده.
