ایش‌بیلرمانلر: اسلام آباد کابل برابریده ارهلشمسلیک سیاست ایلگری آلیب باریشی کېره‌ک
۸صبح، کابل: پاکستانلیک بیر قنچه ایش بیلرمانلر، سابق عملدارلر و سیاستچیلر بیر ییغینده، مذکور مملکت طالبان کنترولی آستیده‌گی کابل اداره‌سی بیلن علاقه‌سینی یخشیلشتیریش اوچون، «ارهلشمسلیک» سیاستنی ایلگری آلیب باریشی کېره‌ک دېب ایتگنلر.
بو ایش‌بیلرمانلر، پاکستانلیک گزیته‌چی سلیم صافی نینگ «اوروش کثیف» ناملی اثرینی تانیشتیریش مناسبتی بیلن پاکستان صنعت کېنگشی تامانیدن آلینگن ییغینده ۱۳قوس دوشنبه کونی، پاکستان و طالبان نینگ حاضرگی سیاستی اوستیده تۉخته‌لیب گپیرگنلر.
دان نینگ گزارش قیلیشیچه، ییغین نینگ اشتراکچیلری افغانستان برابریده «ارهلشمسلیک سیاست»نی خصومتلر و هر ایکّی مملکت اۉرته‌سیده علاقه‌لرنی ایجابی تیکلش اوچون یگانه یۉل دېب ایتگنلر.
شونینگدېک ییغیده سیاسی متخصصلر، گزیته‌چیلر، پاکستان سابق عملدارلری، محلی رهبرلر و بو مملکت نینگ قطار سناتورلری قتنشگن اېدیلر.
«اوروش کثیف» کتاب نینگ یازوچیسی سلیم صافی، افغانستانده نیچه اۉن ییل دوام ایتگن اوروش فقط بو ممللکت‌گه آغیر زیان یېتکزمه‌گن، بلکه افراطیت، ترورچیلیک، مخدر ماده قاچاقی و باشقه بیر قنچه قیینچیلیکلرنی پاکستان اوچون هم توغدیرگن دېب تیگله آلگن.
عین حالده او، پاکستان نینگ افغانستان برابریده‌گی سیاستینی ارله‌شیشگه یۉنلتیریلگن بۉلمسلیگی کېره‌ک دېب تاکیدله‌گن.
طالبلر کنترولی آستیده‌گی افغانستان برابریده پاکستان نینگ سیاستی چین نینگ سیاسی کبی بۉلیشی کېره‌ک دېب علیحده اورغوله‌گن او.
عین حالده، بو مملکت نینگ باشقه بیر قنچه بلند مرتبه‌لی رسمیلری همده سیاستچلری پاکستان نینگ افغانستان برابریده‌گی خطاگه یۉلنتیریلگن سیاستی ترورچیلر ایاغینی بو مملکت گه آلیب کېلدی و پاکستاننی دنیا بۉیلب ترورچیلر سمبولیگه ایلنتیردی.
بو قبیل اظهاراتلر اسلام آباد و افغانستانده طالبلر علاقه‌سی ایریم سببلر جمله‌دن طالبان نینگ تی‌تی‌پی حمایت قیلگنی و بو مملکتده‌گی افغان مهاهجرلری جبری چیقاریلیشی آرتیدن تیلگه آلینماقده.
