پکتیکا و کنرگه پاکستاننینگ هوا هجوملری؛ بیر عایلهنینگ اوچ اعضاسی جان بېردی
۸صبح، کابل: طالبان پاکستان تانگگی ساعت اوچلر اطرافیده کنر ولایتینینگ نورگل تومنی و پکتیکا ولایتینینگ برمل تومنینی هوا هجوملری بیلن نشانگه توتگنی معلوم قیلدی.
طالبان سۉزلاوچیسی، حمدالله فطرت، دوشنبه کونی، ۳۰ سنبله، بو هجوملرده تینچ اهالی اویلری و جماعت انشااتلری بامباردمان قیلینگنینی اَیتدی.
فطرتنینگ قۉشیمچه قیلیشیچه، بو هجوملر عاقبتیده بیر عایلهنینگ اوچ اعضاسی جان بېرگن، ینه تۉرت اعضاسی یرهلنگن.
طالبان بیاناتیگه کۉره، جان بېرگنلر و یرهلنگنلر آرهسیده عیاللر و بالهلر هم بار.
پکتیکه ولایتینینگ برمل تومنیده هم رخه و تورکندی حدودلریدهگی ایکّی جای بامباردمان قیلینگن.
طالباننینگ اَیتیشیچه، بو هجوملرده بیر دوکان و بیر اوی ویران بۉلگن، بیراق قربانلر بۉلمهگن.
