افغانستان بۉیلب پولیوگه قرشی اېملش کمپاینی باشلندی
۸صبح، کابل: پولیوسیز افغانستان تشکیلاتی مملکت بۉیلب پولیو (باله‌لر فلجی)گه قرشی اېملش کمپاینی باشلنگنینی معلوم قیلدی.
اوشبو تشکیلات، دوشنبه کونی، ۱۱ عقرب، عایله‌لردن فرزندلرینی اېمله‌تیش آرقه‌لی اولرنی پولیو کسللیگیدن حمایه قیلیشنی سۉره‌دی.
افغانستان‌نینگ جنوبی حدودیده اوشبو کمپاین سه‌شنبه کونی، ۱۲-عقرب باشلنه‌دی.
پولیوسیز افغانستان تشکیلاتی اوشبو کسللیکنی بوتونله‌ی یۉق قیلیش اوچون باله‌لرنی اېملش ضرورلیگینی دایمی روشده تأکیدلب کېلماقده.
افغانستان و پاکستان دنیاده هنوزگچه یاووایی پولیوویروس بیلن کسللنیش حالتلری قید اېتیله‌یاتگن یگانه مملکتلردیر.
اېملش کمپنیلری دوام اېته‌یاتگنیگه قره‌مه‌ی، اوشبو کسللیک بو ایکّی مملکتده باله‌لر سلامتلیگیگه تهدید سالیشده دوام اېتماقده.
