رییسی: تهران و تاجیکستان، افغانستان خلقی احوالیدن خواطرده‌لر
۸صبح، کابل: تاجیکستانگه سفر قیلگن ایران جمهور رییسی ابراهیم رییسی، رسمی تهران و دوشنبه افغانستان خلقی نینگ وضعیتی حقیده «قۉشمه » خواطرلری بار دېب ایتگن.
رییسی بو قبیل اظهاراتلرنی ۱۸- عقرب چهارشنبه کونی، تاجیکستان نینگ دوشنبه شهریده جمهور رییس امام علی رحمان بیلن قۉشمه خبری خبری ییغین‌ده تیلگه آلگن.
ابراهیم رییسی، هر ایکّی مملکت هم بوتون افغانستان خلقیدن نماینده‌لیک قیله آله دېگن بیر حکومت تشکیل بۉلیشی اوچون تاکیدله‌دیلر دېب ایتگن.
ابراهیمی تیناوون تاجیکستانگه سفر قیلگن اېدی.
بوندن نېچه وقت آلدین ایران و تاجیکستان جمهور رییسلری افغانستان ترورچی گروهلر «حضوری و فعالیتی» تۉغریسیده اۉز خواطرلرینی بیلدیرگن اېدیلر.
افغانستان نینگ بیر قنچه قۉشنی دولتلری جمله‌دن ایران، پاکستان، تاجیکستان، روسیه و هند مملکتده طالبلر حاکمیت تېپه‌سیگه کېلگندن بېری مخدر ماده و ترورچیلیک فعالیتلر کېنگه‌یگنیدن خواطر بیلدیریب و افغانستانده کېنگ قمراولی حکومت ایجاد بۉلیشی باره‌سیده تاکیدلب کېلگنلر.
لېکن طالبلر بو قبیل ادعالرنی بار- بار قاره‌لب بو گروه رژیمنی همه شمول دېب دنیا دولتلریدن افغانستان ایچکی مساله‌لریگه اره‌لشمسلیکلرینی سۉره‌ب کېلگنلر.
