واشنگتن‌ده‌گی نمایشچیلر نتنیاهو‌نینگ حبسگه آلینیشینی طلب قیلدیلر
واشنگتن‌ده، یوزلب نمایشچیلر آق اوی قرشیسیده نمایش اۉتکزیب، اسراییل باش وزیری بنیامین نتانیاهو‌نینگ حبسگه آلینیشی حقیده‌گی قرار اجرا اېتیلیشینی طلب قیلدیلر.
الجزیره چهارشنبه کونی، ۲۸ جولای، کوچلی یامغیر و کېنگ کۉلملی خوفسیزلیک چاره‌لری کۉریلگنیگه قره‌مه‌ی، نمایشچیلر آق اوی تامان یوریش قیلگنینی خبر قیلدی.
شونینگدېک، نمایشچیلر‌نینگ بیر قِسمی جورج‌تاون حدودیده‌گی «فور سیزنز» مهمانخانه‌سی لابی‌سیگه کیرگن. نتانیاهو اېسه عیناً شو یېرده طعاملنیش اوچون بۉلگن.
خلق‌ارا جنایی محکمه‌سی ۲۰۲۴-ییلده نتانیاهو و اسراییل‌نینگ سابق مدافعه وزیری یوآف گالانتنی غزا اوروشی دوامیده اوروش جنایتلری همده انسانیتگه قرشی جنایتلرنی صادر اېتگنلیک عیبلاوی بیلن حبسگه آلیش قرارینی چیقرگن.
