اسراییل اوردوسی لبناننینگ جنوبینی بامباردمان قیلدی
اسراییل اوردوسی بیر نېچه آیدن بویان حزبالله بیلن تۉقنهشوولر میدانی بۉلیب کېلهیاتگن لبنان جنوبیدهگی حدودلرنی بامباردمان قیلدی.
الجزیره، یکشنبه کونی، ۶ سپتمبر، خبر بېریشیچه، اسراییل هوا هجوملری اوّلراق هجوم قیلیش بیلن تهدید قیلگن حدودلرده عملگه آشیریلگن.
خبرگه کۉره، «عرب سلیم» حدودیدهگی بیر بنا بامباردمان قیلینگن. اسراییل اوردوسی بوندن آلدین اوشبو بناگه هجوم قیلیشینی اعلان قیلگن اېدی.
اسراییل هوا هجوملری لبنان جنوبیدهگی نبطیه بالا شهری و کفر رمان شهری اطرافینی هم نشانگه آلگن.
حاضرگچه اسراییل اوردوسینینگ اوشبو هوا هجوملری عاقبتیده یوز بېرگن انسانی تلفاتلر و مادّی ضررلر حقیده معلومات اعلان قیلینمهگن.
بو حالت لبنان و اسراییل بیر مونچه وقت آلدین اوروشنی یکونلش مقصدیده امریکا واسطهچیلیگیده مذاکرهلر آلیب بارگنی و اَیریم کېلیشوولرگه هم اېریشگنی بیر پیتگه تۉغری کېلماقده.
