اسراییل ایراننی انرژی انشااتلری و حربی بۉلمهگن مرکزلریگه ینه هجوم قیلیش بیلن تهدید قیلدی
اسراییل مدافعه وزیری ایران اسراییلگه هجوم قیلسه، بو مملکت ایراننینگ انرژی انشااتلری و باشقه حربی همده حربی بۉلمهگن آست-قورمهلرینی نشانگه آلیشینی آگاهلنتیردی.
الجزیره پنجشنبه کونی، ۳ سپتمبر، خبر بېریشیچه، اسراییل مدافعه وزیری اسراییل کاتز تهراننینگ هجوملری بو مملکتنی ایرانگه هجوم قیلیش بارهسیدهگی موجود هر قندهی چېکلاولردن آزاد قیلیشینی اَیتگن.
کاتز نطقی دوامیده ایران هجوم قیلگن تقدیرده، اسراییل اوشبو مملکتنینگ ملی حربی و حربی بۉلمهگن آست-قورمهلری جملهدن، انرژی انشااتلرینی فلج قیلیش بیلن تهدید قیلگن.
او، شونینگدېک، اسراییل ایراننی «چوقور طرزده تاش عصری و ظلمتگه» قَیتریشینی اَیتگن.
بو تهدید اسراییل اوّلراق امریکا بیلن بیرگه ایرانگه قرشی اوروشگه کیرگن، اما ماجرانینگ ینگی باسقیچیده حاضرگچه اوروشگه بېواسطه ارهلشمهگن بیر پیتده بیلدیریلماقده.
امریکا دونالد ترمپ هم اسراییلگه بو مملکت ایران بیلن اوروشنی قَیته باشلشدن خواطر آلمهسلیگی کېرهکلیگیگه ایشانتیریش بېرگن.
