پلخمری اهالیسی یاز‌نینگ ایسیغیده برق‌نینگ تېز-تېز اوزیلیشیدن شکایت قیلماقده
۸صبح، بغلان: هوا حرارتی‌نینگ آشیشی بیلن بیر وقتده بغلان ولایتی مرکزی پلخمری شهریده برق‌نینگ کېنگ کۉلمده اوزیلیشی شهر اهالیسینی کۉپلب معمالرگه دچار قیلماقده.
منبعلر شنبه کونی، ۱۷-اسد، ۸سابه گزېته‌سیگه بېرگن صحبتیده اۉتگن کوندن بویان پلخمری‌نینگ اَیریم حدودلریده برق تېز-تېز اوزیله‌یاتگنینی اَیتدی.
اولر‌نینگ اَیتیشیچه، اَیریم حاللرده اولر اتیگی یریم ساعتچه برق انرژیسیگه اېگه بۉله‌دیلر، کېین اېسه اوچ-تۉرت ساعت دوامیده برق تأمیناتیدن اوزیلیب قاله‌دیلر.
یاز‌نینگ ایسّیق کونلریده برق انرژیسی‌نینگ اوزیلیشی دوام اېته‌یاتگنی، اینیقسه، عایله‌لر، باله‌لر، کېکسه‌لر و بېمارلر اوچون ینه‌ده کۉپراق معمالرنی کېلتیریب چیقرماقده.
پلخمری اهالیسی بو معماگه زودلیک بیلن یېچیم تاپیلیشینی طلب قیلماقده.
افغانستانده برق انرژیسینی یېتکزیب بېریش بیلن باغلیق کۉپلب معمالر موجود و مملکت‌نینگ کۉپلب حدودلری، اینیقسه، ایسّیق موسمده و استعمال آشگن پیتلرده برق اوزیلیشلریگه دوچ کېله‌دی.
