قمی: کابل ده منطقه‌ای ییغیلیش طالبان بیلن همکارلیک قیلیش اوچون یولگه قوییلدی
کابل ده ایران ایلچیسی و مخصوص وکیلی حسن کاظمی قمی، منطقه‌ای ییغیلیش طالبان بیلن همکارلیک قیلیش مقصدیده یولگه قوییلگنینی ادعا قیلگن.
قمی بو سوزلرنی ۲۲ دلو، یک‌شنبه کونی، کابل ده اوشبو مملکت ایلچی‌لیگیده «ایران اسلامی انقلاب غلبه‌سی نینگ ۴۵ ییل‌لیگی مناسبتی» بیلن یولگه قوییلگن ییغیلیش ده بیان قیلگن.
او نینگ کوپه‌یتیریشیچه: «در حقیقت تماس گروهی شکللنیش دن بیرینچی مقصد [طالبان] بیلن همکارلیک قیلیش، سیاسی و خۉفسیزلیک تامین ایتیلیشی، اقتصادی وضعیت یخشی‌لنیشی و منطقه‌ای تشبث‌لر گه زمینه یره‌تیش دیر.»
قمی گه کوره: «بو تشبث ایران نینگ افغانستان برچه قوشنی‌لری و منطقه مملکت‌لر نینگ همکارلیک دایره‌سیده تلاش‌لری، اوشبو مملکت یشاوچیلری اوچون قولی شرایط یره‌تیش و قیینچیلیک‌لر گه یېچیم یۉل قیدیریش دیر.»
ایتیش کېره‌ک که طالبان تشقی ایشلر وزیرلیگی ۹ دلو «منطقه‌ای همکارلیک‌لر تشبثی» عنوانیده چین، روسیه، ایران و پاکستان وکیللری حضوری بیلن منطقه‌ای ییغیلیش میزبانی اېدی.
بو ییغیلیش ده طالبان تشقی ایشلر وزیرلیگی، دنیا اولر گه یول ترسیم قیلیش اۉرنیده غلبه قازانیش سیاست اۉستیگه اویلشی کېره‌ک دیگن اېدی.
شو بیلن بیرگه، کابل ده ایران ایلچیسی و مخصوص وکیلی حسن کاظمی قمی اوشبو ییغیلیش اۉتکزیلیشیدن آلدین «ایچکری ده تبعیض‌سیز حاکمیت قیلیش» و افغانستان «قوشنی‌لر بیلن یخشی مناسبت قیلیش» اوستیگه تاکید ایتگندی.
