منطقهدهگی اۉزگریشلر؛ کویت تشقی ایشلر وزیری پاکستانگه یېتیب کېلدی
کویت تشقی ایشلر وزیری شیخ جراح جابر الاحمد الصباح، پاکستان رسمیلری بیلن اوچرهشیش و منطقهدهگی اۉزگریشلر یوزهسیدن مذاکرهلر اۉتکزیش اوچون پاکستانگه یېتیب کېلدی.
پاکستان تشقی ایشلر وزیرلیگی سهشنبه کېچهسی، ۲۸-جولای کونی، ایکس صحیفهسیده کویت تشقی ایشلر وزیری، پاکستان تشقی ایشلر وزیری محمد اسحاق دارنینگ تکلیفیگه بناءً اوشبو مملکتگه تشریف بویورگنینی یازدی.
وزیرلیکنینگ معلوم قیلیشیچه، اوشبو تشریف دوامیده ایکّی تامان ایکّی تامانلمه مناسبتلرنینگ برچه یۉنهلیشلرینی قمرهب آلووچی مذاکرهلر اۉتکزهدی همده منطقوی و خلقارا مسألهلر یوزهسیدن فکر المشهدی.
کویت تشقی ایشلر وزیرینینگ پاکستانگه تشریفی سۉنگگی هفتهلرده اوشبو مملکت امریکا حربی بزهلریگه مېزبانلیک قیلگنی سببلی ایران راکتلری و اوچووچیسیز اوچاقلری هجوملریگه نشان بۉلگن بیر پیتده عملگه آشماقده.
