منطقهدهگی اۉزگریشلر؛ پاکستان و اۉزبېکستان تشقی ایشلر وزیرلری ملاقات اۉتکزدیلر
پاکستان تشقی ایشلر وزیری محمد اسحاق دار و اۉزبېکستان تشقی ایشلر وزیری بختیار سعیدوف، منطقوی و ایکّی تامانلمه مسالهلر یوزهسیدن تېلفون آرقهلی صحبتلشدیلر.
پاکستان تشقی ایشلر وزیرلیگی یکشنبه آقشامی، ۲۳-اگوست، ایکس صحیفهسیده یازیشیچه، ایکّی وزیر شانگهای همکارلیک تشکیلاتی دولت رهبرلری کېنگشینینگ بۉلهجک ییغیلیشی حقیده فکر المشتیرگن.
اوشبو وزیرلیکنینگ اَیتیشیچه، صحبت دوامیده ایکّی مملکت تشقی ایشلر وزیرلری عمومی ایکّی تامانلمه استوار یۉنهلیشلرنی ایلگری سوریشگه اورغو بېرگن.
بو شوندهی بیرحالده دیر که تاشکېنت طالبان نظارتیدهگی افغانستان بیلن علاقهلر و سودا حجمینی آشیریش همده اوشبو یۉل آرقهلی جنوبی آسیاگه چیقیشگه قیزیقیش بیلدیرماقده.
بیراق بېش ییل آلدین طالبان افغانستانده حاکمیتنی قَیته اېگهللهگنیدن بویان پاکستاننینگ اوشبو گروه بیلن مناسبتلری ناتېکیس یۉلدن کېچیب، بیر نېچه بار تۉلهقانلی حربی تۉقنهشووگچه باریب یېتگن.
