روسیه: افغانستان هند اقیانوسیگه بارووچی تېمیر یۉلینینگ بیر قسمی بۉلیشی ممکن
روسیه باش وزیرینینگ اۉرینباسری مارات خوسنولین، بو مملکت بسفر و هرمز بۉغازلری بیلن باغلیق خوفلرنی کمهیتیریش اوچون هند اقیانوسیگه تېمیر یۉلی یرهتیشنی کۉریب چیقهیاتگنینی اَیتدی.
تاس اخبارات آژانسینینگ خبر بېریشیچه، خوسنولیننینگ اَیتیشیچه، تنلاولردن بیری تورکمنستان، ایران، افغانستان و پاکستان آرقهلی هندوستان تامان تېمیر یۉلی یرهتیش بۉلیشی ممکن.
او روسیهنینگ هندوستانگه چیقیشینی تأمینلهیدیگن هر قندهی یۉل مناسب اېکنینی تأکیدلهگن.
بو رېجه امریکا و ایران اۉرتهسیدهگی سۉنگگی تۉقنهشوولر هرمز بۉغازی آرقهلی کېمهلر قتناوینی قیینچیلیکلرگه دچار قیلگن بیر پیتده ایلگری سوریلماقده.
هرمز بۉغازی دنیادهگی مهم انرژی تشیش یۉللریدن بیری بۉلیب، جهان نفتینینگ قریب ۲۵ فایزی و سویولتیریلگن طبیعی گاز(LNG)نینگ قریب ۲۰ فایزی اوندن اۉتهدی.
اگر بو رېجه عملگه آشسه، افغانستان مرکزی آسیا و جنوبی آسیا اۉرتهسیدهگی ترانزیت یۉللردن بیری صفتیده روسیهنینگ هندوستان بازاریگه چیقیشینی تأمینلشده مهم رۉل اۉینهشی ممکن.
