پنجشیرده دواملی قاتللیکلر؛ منبعلر: طالبان بیر عایله‌‌نینگ ۱۰ نفردن آرتیق اعضاسینی اۉلدیرگن
ایلیا
منبعلر پنجشیر ولایتی‌نینگ حصه اوّل اولسواللیگیده طالبان تامانیدن صادر اېتیله‌یاتگن، اۉزلری «زنجیره‌ای قاتللیکلر» دېب اته‌یاتگن حالتلر کۉپه‌یه‌یاتگنیدن خواطر بیلدیرماقده. اولر‌نینگ اَیتیشیچه، طالبان سۉنگگی بیر نېچه آی ایچیده «آدم اۉغیرلش گروهی»گه اعضالیکده عیبلب، بیر عایله‌‌نینگ ۱۰ نفردن آرتیق اعضاسینی علیحده عملیات‌لرده اۉلدیرگن. اوشبو منبعلرگه کۉره، اۉلدیریلگنلر آره‌سیده آته، اۉغیللر، عمکی‌لر و خاله‌بچه‌لر بار. اولر‌نینگ قۉشیمچه قیلیشیچه، بو شخصلر‌نینگ اَیریملری کابلده حبسگه آلینیب، قییناقلر عاقبتیده اۉلدیریلگن، باشقه‌لری اېسه پنجشیرده‌گی طالبان استخباراتی عملیات‌لری دوامیده اۉلدیریلگن.
اوشبو منبعلر ۸صبح گزېته‌سیگه اَیتیشیچه، طالبان محله آقسقاللری و قیشلاق اهالیسی‌نینگ کتّه‌لری بیلن کېلیشمسدن، تونده قیشلاقلرگه کیریب، حربی عملیاتلر اۉتکزماقده. اولر‌نینگ سۉزلریگه کۉره، طالبان اوشبو عایله‌‌نینگ برچه اعضالری رۉیخطیگه اېگه اېکنینی دعوا قیلیب، قالگن قرینداشلرینی حبسگه آلیش یاکه اۉلدیریشنی کۉزله‌ماقده. اولر‌نینگ اَیتیشیچه، اوشبو عایله‌‌نینگ تیریک قالگن اَیریم اعضالری، جمله‌دن عیاللر، باله‌لر و اېرککلر حبسگه آلینیشی یاکه اۉلدیریلیشیدن قۉرقیب، اویلرینی ترک اېتیب، نامعلوم حدودلرگه باش‌پناه آلگن. اولر بو شخصلر هنوز حبسگه آلینیشی یاکه اۉلدیریلیشی خوفی آستیده اېکنیدن آگاهلنتیرماقده.
منبعلر قۉشیمچه قیلیشیچه، بونده‌ی عملیات‌لر‌نینگ دوام اېتیشی محلی اهالی آره‌سیده قۉرقوو و خوفسیزلیکسیزلیک محیطینی کوچه‌یتیریب، حدودده‌گی آسایشته‌لیکنی ایزدن چیقرگن.
نجشیر ولایتیده‌گی محلی منبعلردن بیری علی (مستعار)، اوشبو ولایت‌نینگ حصه اوّل اولسواللیگی زنی قیشلاغیده طالبان تامانیدن عملگه آشیریله‌یاتگن زنجیره‌ای قاتللیکلر کۉپه‌یگنینی تشویشلی دېب حسابله‌یدی. اونینگ اَیتیشیچه، طالبان سۉنگگی بیر نېچه آی ایچیده «آدم اۉغیرلش گروهی»گه اعضالیکده عیبلب، بیر عایله‌‌نینگ ۱۰ نفردن آرتیق اعضاسینی علیحده عملیات‌لرده اۉلدیرگن. اونینگ سۉزلریگه کۉره، بو شخصلر‌نینگ اَیریملری کابلده حبسگه آلینیب، قییناقلر آستیده جان بېرگن، باشقه‌لری اېسه پنجشیرده‌گی استخبارات عملیات‌لری دوامیده اۉلدیریلگن.
بو پنجشیرلیک ۸صبح گزېته‌سیگه شونده‌ی دېیدی: «طالبان سۉنگگی بیر نېچه آی ایچیده بیر عایله‌‌نینگ ۱۰ نفردن آرتیق اعضاسینی «آدم اۉغیرلش گروهی» دېگن عیبلاو بیلن بیرین-کېتین اۉلدیردی. اولر آره‌سیده آته، اۉغیللر، عمکی‌لر و خاله‌بچه‌لر بار. اولر‌نینگ اَیریملری کابلده حبسگه آلینیب، قییناقلر آستیده جان بېردی، باشقه‌لری اېسه پنجشیرده‌گی رزوېدکه عملیات‌لریده اۉلدیریلدی. حسینی، کریم‌الله، هابیل و ینه بیر نېچه کیشی اوشبو اۉپراسیون‌لرده هلاک بۉلگنلر جمله‌سیدن دیر.»
علی، شونینگدېک، طالبان قیشلاق آقسقاللری بیلن کېلیشمسدن، تونده قیشلاقلرگه کیریب، حربی عملیاتلر اۉتکزه‌یاتگنینی اَیته‌دی. اونینگ سۉزلریگه کۉره، طالبان اوشبو عایله‌‌نینگ برچه اعضالری رۉیخطیگه اېگه اېکنینی دعوا قیلیب، قالگن اعضالرینی حبسگه آلیش یاکه اۉلدیریشنی کۉزله‌ماقده.
بو پنجشیرلیک قۉشیمچه قیله‌دی: «اوشبو عایله‌‌نینگ قالگن اعضالری، جمله‌دن عیاللر، باله‌لر و اېرککلر حبسگه آلینیشی یاکه اۉلدیریلیشیدن قۉرقیب، اویلرینی ترک اېتیب، نامعلوم حدودلرگه باش‌پناه آلگن. اولر حاضر هم قه‌یېرده بۉلیشیدن قطعی نظر نشانگه آلینیشی ممکنلیگیدن خواطرده.»
پنجشیرده‌گی ینه بیر محلی منبع ستار (مستعار) هم بو دعوالرنی تصدیقلب، طالبان سۉنگگی آیلرده اوشبو عایله‌‌نینگ اعضالرینی نشانگه آلیش اوچون حصه اوّل اولسواللیگیده بیر نېچه حربی عملیاتلر اۉتکزگنینی اَیته‌دی.
بو پنجشیرلیک یشاوچیسی قۉشیمچه قیله‌دی: «طالبان‌نینگ تونگی عملیات‌لری آدملر آره‌سیده قۉرقوونی کوچه‌یتیردی. محلی اهالی کېچکی ساعت سکّیزدن کېین حبسگه آلینیشی یاکه اۉققه توتیلیشیدن قۉرقیب، اوییدن چیقمه‌یدی. طالبان‌نینگ مدافعه وزیرلیگیگه قره‌شلی لوا کوچلری اوشبو عملیات‌لرنی عملگه آشیریشده پنجشیر محلی حاکمیتی بیلن موافقلشمه‌یدی و فقط لوا قوماندانیدن بویروق آله‌دی. شو سببلی اولر ولایت رهبریتی‌نینگ کۉرسه‌تمه‌لریگه عمل قیلیشنی اۉزلریگه مجبور دېب بیلمه‌یدی.»
پنجشیرده‌گی ینه بیر محلی منبع حسین‌علی‌نینگ اَیتیشیچه، طالبان پنجشیرنی اېگه‌لله‌گنیدن بویان تورلی بهانه‌لر بیلن اوشبو ولایت اهالیسی‌نینگ زنجیره‌ای قاتللیکلری دوام اېتماقده. اونینگ قۉشیمچه قیلیشیچه، طالبان خوفسیزلیککه عاید خواطرلر و خلق قرشیلیگیدن قۉرقه‌یاتگنی سببلی اهالی آره‌سیده قۉرقوو اویغاتیش همده اولر‌نینگ روحیتینی سیندیریش اوچون بونده‌ی حرکتلرنی عملگه آشیرماقده.
اونینگ سۉزلریگه کۉره، طالبان‌نینگ یېتکرمه‌لر فعالیتیگه قۉیگن چېکلاولری و بونده‌ی واقعه‌لر‌نینگ چېکلنگن یاریتیلیشی طفیلی بو حالتلر‌نینگ کۉپچیلیگی عامه‌وی اخبارات واسطه‌لریده کېنگ عکس اېتمه‌یپتی. شونینگدېک، اونینگ اَیتیشیچه، حدود اهالیسی اوچون تونگی حرکتلنیشگه چېکلاولر جاری اېتیلگن و بو چېکلاولر آدملر‌نینگ کونده‌لیک حیاتینی ایزدن چیقرگن.
بو ییگیت شونده‌ی دېیدی: «پنجشیرده صادر اېتیله‌یاتگن قاتللیکلر حدودنی ینه‌ده قتّیقراق نظارت قیلیش، خلق‌نینگ روحیتینی ضعیفلشتیریش و قۉرقوو محیطینی یره‌تیش مقصدیده عملگه آشیریلماقده. طالبان پنجشیر اوستیدن حکمرانلیک قیله‌یاتگنیگه قره‌مه‌ی، هنوز اۉزینی خوفسیز حس قیلمه‌یدی و تورلی بهانه‌لر بیلن، اینیقسه یاشلر همده سابق حربیلرنی حبسگه آلماقده. بو شخصلر‌نینگ کۉپچیلیگی قرشیلیک جبهه‌سی بیلن همکارلیک قیلگنلیکده عیبلنیب حبسگه آلینه‌دی، کلتکلنه‌دی و قییناققه سالینه‌دی، اَیریملری اېسه حیاتدن کۉز یومه‌دی. آدملر قتّیق باسیم و تهدید آستیده یشه‌ماقده. کېچکی ساعت یېتّی یاکه سکّیزدن کېین اولر حبسگه آلینیشی یاکه طالبان کوچلری بیلن تۉقنه‌ش کېلیشیدن قۉرقیب، اویلریدن چیقه آلمه‌یدی همده عادتده کېچه‌سی بجریله‌دیگن دهقانچیلیک و یېرلرینی سوغاریش ایشلرینی هم عملگه آشیرالمه‌یدی.»
پنجشیرده‌گی زنجیره‌ای قاتللیکلر حقیده‌گی دعوالر بیرلشگن ملتلر تشکیلاتی‌نینگ افغانستاندهگی یاردم هیاتی (یوناما) اۉزی‌نینگ سۉنگگی اوچ آیلیک حساباتیده افغانستاندهگی انسان حقوقلری وضعیتینی تشویشلی دېب بهاله‌گن بیر پیتده ایلگری سوریلماقده. ۲۰۲۶-ییل جنوریدن مرتگچه بۉلگن دورنی قمره‌ب آلگن اوشبو حساباتده انسان حقوقلری‌نینگ کېنگ کۉلملی بوزیلیشلری، جمله‌دن عیاللرگه نسبتاً قۉییلگن چېکلاولر، قَیتیب کېلووچیلر دوچ کېله‌یاتگن خوفلر، عامه‌وی قتل جزالری، آوگه باسیم و فقرالیک فعاللریگه قۉییلگن چېکلاولر قید اېتیلگن.
حساباتگه کۉره، طالبان عمومی عفو اعلان قیلگنیگه قره‌مه‌ی، کمیده ۱۴ ته محکمه‌سیز قاتللیک، ۲۸ ته اۉزباشیمچه‌لیک بیلن حبسگه آلیش و افغانستان‌نینگ سابق خوفسیزلیک همده مدافعه کوچلری اعضالریگه نسبتاً ۷ ته قییناق و یامان معامله حالتی حجتلشتیریلگن. قربانلر آره‌سیده یقینده اېران و پاکستاندن افغانستانگه قَیتگن شخصلر هم بار.
شونینگدېک، بیرلشگن ملتلر تشکیلاتی‌نینگ افغانستان بۉییچه انسان حقوقلری مخصوص گزارشگری ریچارد بنت‌نینگ اَیتیشیچه، افغانستان چوقور انسان حقوقلری انقراضیگه دوچ کېلماقده. اونینگ تأکیدلشیچه، بو انقراض مملکت اهالیسی، اینیقسه عیاللر و قیزلر‌نینگ حیاتینی کېسکین اۉزگرتیریب یوبارگن.
