منبعلر: خوست‌ده ینه بیر یاش اۉز جانیگه قصد قیلگن
۸صبح، خوست: خوست‌دن بۉلگن منبعلرگه کۉره، بیر هفته ایچیده بو ولایتده یاشلر اۉرته‌سیده ۱۰ دن آرتیق اۉز جانیگه قصد قیلیش حالتی قید اېتیلگن و بوگون اېرته‌لب ینه بیر یاش اۉز جانیگه قصد قیلگن.
بو منبعلر پنج‌شنبه کونی، ۱۲-سنبله، ۸صبح گزېته‌سیگه بو ولایتده یاشلر اۉرته‌سیده اۉز جانیگه قصد قیلیش حالتلری کۉپه‌ییب باره‌یاتگنینی اَیتگن.
معلوماتلرگه کۉره، بو ییگیت خوست ولایتی‌نینگ تنی تومنیده‌گی دره‌گی حدودیده اۉز جانیگه قصد قیلگن و اونینگ اۉز جانیگه قصد قیلیشیگه نیمه سبب بۉلگنی انیق معلوم اېمس.
منبعلر‌نینگ اَیتیشیچه، بو حادثه‌لر‌نینگ اکثریتیگه ناانیق کېله‌جک، اقتصادی معمالر، ایشسیزلیک و توشکونلیک سبب بۉلماقده.
بو حالت اۉتگن کون هم اوشبو ولایتده بیر اۉسمیر باله تابلت ایچیب، اۉز حیاتیگه نقطه قۉیگن بیر پیتده یوز بېرماقده.
تاکیدلش جایز که طالبان بو کبی حادثه‌لر‌نینگ آوده یاریتیلیشیگه چېکلاولر جاری قیلگن و عایله‌لرنی اۉلیم سببی صفتیده نامعلوم کسللیکلرنی کۉرسه‌تیشگه مجبور قیلماقده
